II Петер 1:6 - Сыйлы Инжил бла Забур

⁶ Оюмлулукъда кесигизни тыйыуну, кесигизни тыйыуда тёзюмлюкню, тёзюмлюкде Аллахны жолуна тюзлюкню,

II Петер 1:6 Iomraidhean Croise

Забур 37:7

Мен гуппур болгъанма эмда энишге ийилип къалгъанма, сау кюнню тарыгъып жюрюйме.

Лука 21:19

Тёзюмюгюз бла жаныгъызны къутхарыгъыз.

Лука 8:15

Ахшы жерге тюшген а, ала сёзню эшитип, аны халал, таза жюрекде сакълагъанла эм тёзюмлюк бла тирлик бергенледиле», – деди. Муну айтып бошагъанлай: «Эшитирге къулакълары болгъан эшитсин!» – деп уллу айтды.

Ишлери 24:25

Пауул тюзлюкню юсюнден, кесинги тыйыуну юсюнден эм къыямат кюн боллукъ сюдню юсюнден айтханы себепли уа, Феликсге къоркъуу тюшдю эм: «Энди бар, заман тапсам а, сени чакъыртырма», – деп жууап этди.

Римлилеге 15:4

Битеу алгъындан жазылгъанла уа, бизге акъыл юйретир ючюн, биз Сыйлы Китапладан алгъан тёзюмлюлюк бла эм кёл этиу бла бизни ышаныуубуз болур ючюн жазылгъандыла.

Римлилеге 2:7

Тохтамай игилик этип, махтау, хурмет эм ёлюмсюзлюк излегенлеге ёмюрлюк жашау берир;

Римлилеге 8:25

Алай а кёрмеген затыбызгъа ышана эсек, аны тёзюмлюк бла сакълайбыз.

I Коринфлилеге 9:25

Битеу кюрешгенле хар неден кеслерин тыядыла: ала чиририк таж алыр ючюн алай этедиле, биз а ёмюрлюк таж алыр ючюн этебиз.

II Коринфлилеге 6:4

Алай а Аллахха къуллукъ этиучюлеча уллу тёзюмлюлюк бла, къыйынлыкълада, кереклиликледе, тарлыкъ халлада,

Галатиялылагъа 5:23

Жууашлыкъ, кесин тыймакълыкъ. Аллайлагъа къажау закон жокъду.

Колослулагъа 1:11

Аны махтаулу къудурети сизни толу кючлендирир эм хар не жаны бла да чыдамлы, тёзюмлю эмда къууанчлы этер ючюн

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

II Фесалоникачылагъа 1:4

Алай бла, биз кесибиз Аллахны жамауатларында сизни бла махтанабыз, сиз сынагъан битеу зулмулукълада эм къайгъылада сизни тёзюмюгюз бла эм ийманыгъыз бла махтанабыз.

II Фесалоникачылагъа 3:5

Раббий а сизни жюреклеригизни Аллахны сюймеклигине эм Масихни тёзюмюне бурсун.

I Тимотейге 2:10

Алай а, Аллахны жолунда жюрюйбюз деп шагъатлыкъ этген тиширыулагъа тийишлисича, кеслерин хайырлы ишле бла ариу этсинле.

I Тимотейге 2:2

Битеу адамла ючюн, патчахла ючюн эм битеу къыралланы оноучулары ючюн, тилекле, дууала, ёкюллюкле, шукурла этилсинле деп тилейме.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

I Тимотейге 6:11

Сен а Аллахны адамыса, ол затладан къач, алай а тюзлюклюлюкде, Аллахны жолунда, ийманда, сюймекликде, тёзюмлюкде, сабырлыкъда жюрю.

I Тимотейге 6:3

Башха затлагъа юйретген эмда тюз сёзлени – Раббийибиз Масих Иссаны сёзлерин – эм Аллахны жолун тутууну юсюнден юйретиуюн къабыл этмеген адам ёхтемди,

I Тимотейге 6:6

Болгъан затларынг бла ыразы болуп жашап, Аллахны жолунда жюрюмеклиг’а уллу хайыр тапмакълыкъды.

II Тимотейге 3:5

Кеслерин Аллахны жолунда жюрюгенле кибик кёргюзтюп, ол жолну кючюн а инкяр этгенле боллукъдула. Аллай адамладан узакъ бол.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Титге 1:8

Алай а къонакъ сюйюучю, ахшылыкъны сюйюучю, оюмлу, тюзлюклю, сыйлы, тыйгъылы болургъа,

Титге 2:2

Къарт кишиле тыйгъылы, тийишли, оюмлу, ийманда, сюймекликде, тёзюмде тюз акъыллыла болсунла.

Чюйютлелеге 10:36

Нек десегиз, Аллахны буйругъун толтуруп, Ол берирге айтханны алыр ючюн, сизге тёзюмлюлюк керекди.

Чюйютлелеге 12:1

Бизни тёгерегибизде булутла кибик алай кёп шагъатла бардыла! Ол себепден битеу бизге чырмау болгъан затланы, бизни бийлеп тургъан битеу гюняхларыбызны юсюбюзден атайыкъ эмда бизге белгиленнген жолубузда тёзюмлюк бла барайыкъ.

Чюйютлелеге 6:12

Сиз, эринчек болмай, алай а Аллах ант бла сёз берген затладан ийман бла эм тёзюмлюлюк бла юлюшлю болгъанлагъа эниклеригизни сюебиз.

Чюйютлелеге 6:15

Сора Ибрахим, кёп тёзюп, анга берирге айтылгъанны алгъанды.

II Петер 1:3

Кеси махтауу бла эм ахшылыгъы бла бизни чакъыргъан Аллахны кючю, Аны таныгъаныбыз себепли, бизге жашаугъа бла Аллахны жолунда жюрюуге керекли хар затны бергенди.

II Петер 3:11

Ала бары да алай бузуллукъ эселе, сора сыйлы жашауда эмда Аллахны жолуна тюз болууда къаллайла болургъа керексиз сиз,

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 13:10

Жесирге элтген адам, ол кеси да жесирликге кетер; къылыч бла ёлтюрген адам, ол кеси да къылыч бла ёлтюрюлюр. Бу болумлада сыйлыла тёзюмлю болуп ийманда турургъа керекдиле.

Билим Ачханы 14:12

Бу болумлада Аллахны фарызларын эм Иссагъа ийнаныуну сакълагъан сыйлыла тёзюмлю болургъа керекдиле.

Билим Ачханы 2:2

„Сени ишлеринги, урунууунгу, чыдамлылыгъынгы эмда сен аман адамлагъа тёзмегенинги билеме. Ала абустол болмагъанлай, кеслерине абустол атагъанланы сынагъанса эмда аланы ётюрюкчю болгъанларын ангылагъанса.