II Петер 1:4 - Сыйлы Инжил бла Забур

⁴ Аланы хайырындан а, бизге бек уллу эм багъалы ант сёзле берилгендиле; алай бла сиз, бу дунияны бийлеп тургъан тыйгъычсызлыкъ бла бет жоюудан кери болуп, ол ант сёзлени юсю бла Аллахны табийгъатына къошулурсуз.

II Петер 1:4 Iomraidhean Croise

Римлилеге 9:4

Аллах аланы Кесине уланла этгенди, алагъа Кесини аламатлыгъын кёргюзтгенди, ала бла кесаматларын этгенди, алагъа Тауратны, Кесине къуллукъ этдириу низамны эмда ант сёзлени бергенди.

II Коринфлилеге 1:20

Нек десегиз Аллахны битеу ант бла берген сёзлери Масих Иссада «хау» болгъанды эм бу себепден Аллахны махтауу ючюн биз Масихни юсю бла Аллахха «амин» деп айтабыз.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 6:17

Сора ол себепден: „Иймансызланы араларындан чыгъыгъыз эмда аладан айырылыгъыз“ дейди Раббий. „Харам затха тиймегиз, Мен сизни къабыл этерикме

Галатиялылагъа 3:16

Алай а Ибрахимге эм аны урлугъуна ант сёзле берилгендиле. Кёплегеча: «эм туудукъларына», – деп айтылмагъанды, алай а жангызны юсюнден айтылгъанча: «эм сени урлугъунга», – деп айтылгъанды, ол а Масихди.

Галатиялылагъа 6:8

Кесини гюняхлы табийгъаты ючюн сепген гюняхлы табийгъатындан чиримекликни орур, Нюр ючюн сепген а Нюрден ёмюрлюк жашау орур.

Эфеслилеге 4:13

Муну ахырында барыбыз да ийманда эм Аллахны Уланын билиуде бирликге, тамам кишиликге, Масихни толулугъуну тамам мардасына жетербиз.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

Чюйютлелеге 12:10

Ала, кеслери сюйгенча этип, бизни аз кюнле ючюн азапландырып юйретгендиле. Аллах а, биз Аны сыйлылыгъына къатышыр ючюн, бизни хайыргъа азапландырып юйретеди.

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

Якъуп 1:27

Аллах Атаны аллында таза эм айыпсыз дин ахлулукъ ёксюзлени бла башсыз къатынланы къыйынлыкъларына къарамакълыкъ эм дунияны харамлыгъындан кесин сакъламакълыкъды.

II Петер 1:1

Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

II Петер 3:13

Алай болгъанлыкъгъа биз, Аллахны сёз бериуюне кёре, алада тюзлюк болуп турлукъ, жангы кёкню бла жангы жерни сакълайбыз.

II Петер 3:9

Раббий Кесини берген сёзюн толтурургъа мычымайды, бир къауумла мычыгъаннга санагъанлары кибик; алай а бизге кёп тёзюп турады. Нек десегиз бир адамны да жоюлурун сюймейди, алай а битеу адамланы тобагъа къайтышырларын сюеди.

I Ахия 2:25

Масихни ант сёз бла бизге берирге айтханы уа ёмюрлюк жашауду.

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.