II Петер 1:19 - Сыйлы Инжил бла Забур

¹⁹ Аны себепли файгъамбарланы сёзлери бизге бегирек да къаты болгъанды; сиз да, жюреклеригизде танг жарып башлагъынчыгъа эм эрттен жулдуз чыкъгъынчыгъа дери, къарангы жерде жарытхан чыракъгъа ушагъан ол сёзлеге эс бёлгенигизни иги этесиз.

II Петер 1:19 Iomraidhean Croise

Маттай 4:16

Къарангыда олтургъан халкъ уллу жарыкъ кёрдю, ёлюм ауана басып тургъан къыралда олтургъанлагъа да жарыкъ жарыды».

Ахия 5:35

Ахия жаннган эм жарытхан чыракъ эди; сиз а аз заманнга аны жарыгъында къууаныргъа сюе эдигиз.

Ахия 5:39

Сыйлы Китапланы тинтип къарайсыз, нек десегиз сиз аланы юслери бла ёмюрлюк жашау алыргъа умут этесиз; ала уа Мени юсюмден шагъатлыкъ этедиле.

Ахия 8:12

Исса дагъыда халкъгъа сёлешди эм: «Мен дунияны жарыгъыма; Мени ызымдан келген адам, къарангыда жюрюрюк тюйюлдю, алай а анда жашауну жарыгъы боллукъду», – деди.

Ишлери 15:29

Идоллагъа берилип харам болгъан ашладан, къандан, мурдар ёлген хайыуан этден эмда саякълыкъдан кесигизни сакъларгъа эмда кесигизге этилирин сюймеген затланы башхалагъа этмезге керексиз. Бу жорукъланы тутсагъыз, иги этериксиз. Сау болугъуз», – деп жазып ийдиле.

Ишлери 17:11

Мындагъыла уа фесалоникачыладан эсе тюз оюмлу эдиле; бу алаймыды деп, хар кюн сайын Сыйлы Китаплада жазылгъанлагъа тинтип къарап, Аллахны сёзюн кёл салып къабыл этдиле.

Чюйютлелеге 2:2

Нек десегиз мёлеклени юслери бла билдирилген сёз къаты болгъан эсе, эм хар тюрлю терслик эм тынгыламаулукъ тюз тийишлисин алгъан эсе,

Якъуп 2:8

Сиз, Китапда: «Жууугъунгу, кесинг-кесинги сюйгенча сюй», – деп жазылгъаныча, Патчахны Законун толтура эсегиз, иги этесиз;

I Петер 1:10

Файгъамбарланы тинтип излеулери да бу къутхарылыуну юсюнден эди. Ала сизге буюрулгъан шафауатны келлигин алгъындан билип айтхандыла.

I Ахия 5:10

Аллахны Уланына ийнаннганны кесини кесинде шагъатлыгъы барды. Аллахха ийнанмагъан, Аны ётюрюкчю сунады; нек десегиз Аллах Кесини Уланыны юсюнден этген шагъатлыкъгъа ийнанмагъанды.

III Ахия 1:6

Сени сюймеклигинги юсюнден жамауатны аллында ала шагъатлыкъ этгендиле; Аллахны хатырындан сен аланы кереклисича ашырсанг, иги этериксе.

Билим Ачханы 2:28

Хорлагъаннга эрттен жулдузну да берликме.

Билим Ачханы 22:16

Мен Исса, жамауатланы юсюнден бу шагъатлыкъланы сизге билдирирге Кесими мёлегими ийгенме. Мен – Дауутну тамырыма эм туудугъума, жарыкъ танг жулдузма».