II Петер 1:12 - Сыйлы Инжил бла Забур

¹² Аны ючюн сиз бу затланы биле эсегиз да эм сизде болгъан хакъ керти бла бегимли болгъан эсегиз да, мен сизге аланы эсгертиумю бир заманда да къоярыкъ тюйюлме.

II Петер 1:12 Iomraidhean Croise

Ишлери 16:5

Жамауатла да ийманда кючлене эдиле эм кюнден кюннге ийнаннганланы саны кёпден-кёп бола эдиле.

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

Колослулагъа 2:7

Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

I Тимотейге 4:6

Къарындашлагъа быланы ангылатсанг, ийманны эм сен ызындан баргъан ахшы окъууну сёзлери бла ёсдюрюлюп, Масих Иссаны ахшы жумушчусу боллукъса.

II Тимотейге 1:6

Ол себепден мен сени юсюнге къолларымы салгъанда, Аллахны санга берген саугъасын къыздырыргъа сени эсинге салама.

Чюйютлелеге 10:32

Озгъан кюнлеригизни – сиз жарыкъланнганыгъыздан сора уллу къыйынлыкълагъа тёзген кюнлеригизни – эсигизге тюшюрюгюз.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.

II Петер 1:13

Бу чархымда болгъан кезиуюмде сизни эсгертиу бла сагъайтыуну тюз кёреме.

II Петер 1:15

Мен бу дуниядан кетгенден сора да, сиз ол затланы хар заманда эсигизде тутар ючюн, энди кюреширикме.

II Петер 3:1

Сюйюлюннгенле, бу энди сизге экинчи кере жазып ийгенимди, ала бла бу ишлени эсигизге тюшюрюп сизни таза акъылыгъызны сагъайтама.

II Петер 3:17

Ол себепден, сюйюлюннгенле сиз, быланы алгъындан билип, жорукъну тутмагъанланы ажашыуларыны ызындан бармаз ючюн эмда бегимли болгъаныгъыздан таймаз ючюн сакъ болугъуз.

I Ахия 2:21

Мен сизге сиз хакъ кертини билмейсиз деп жазмагъанма, алай а сиз аны билесиз, бир ётюрюк да хакъ кертиден болмагъанын билесиз деп жазгъанма.

II Ахия 1:2

Нек десегиз хакъ керти бизде жашайды эм ёмюрде да бизни бла боллукъду.

Яхуда 1:17

Сиз а, сюйюлюннгенле, бизни Раббийибиз Масих Иссаны абустоллары сизге алгъындан айтып билдирген сёзлени эсигизде тутугъуз:

Яхуда 1:3

Сюйюлюннгенле! Барыбыз да сынагъан къутхарылыудан сизге жазаргъа уллу къадалыуум болгъанлай да, мен, сизни сыйлылагъа бир кере берилген ийман ючюн кюреширге чакъырыр ючюн, жазаргъа кереклиге санайма.

Яхуда 1:5

Мен сизге, муну алгъындан билгенлеге, Раббий Мисирни жеринден халкъын къутхарып, артда уа ийнанмагъанланы жойгъанын эсгертирге сюеме.