II Петер 1:1 - Сыйлы Инжил бла Забур

¹ Масих Иссаны къулу эм абустолу болгъан мен Шимон Петерден, бизни Аллахыбыз эм Къутхарыучубуз Масих Иссаны тюзлюгю бла бизни бла бирча багъалы ийманны алгъанлагъа салам болсун!

II Петер 1:1 Iomraidhean Croise

Маттай 10:2

Онеки абустолну уа атлары быладыла: биринчиси Петер аталгъан Шимон, аны къарындашы Эндрей, Зебедейни жашлары Якъуп бла Ахия,

Маттай 4:18

Галилея кёлню къаты бла бара туруп, Исса эки къарындашны, Петер аталгъан Шимонну эм аны къарындашы Эндрейни, чабакъ ауну кёлге ата тургъанлай кёрдю; нек десегиз ала чабакъчыла эдиле.

Лука 1:47

Мени Къутхарыучу Аллахыма мени нюрюм къууанады.

Лука 11:49

Ол себепден Аллахны терен акъыллылыгъы да: „Алагъа файгъамбарла эм абустолла иерикме, аладан да бир къауумларын ёлтюрлюкдюле, башхаларын а къыстап иерикдиле“ деп айтханды;

Ахия 1:42

Сора аны Иссагъа келтирди. Исса уа, анга къарап: «Сен Жюнюс улу Шимонса; санга Кефа аталлыкъды», – деди, аны магъанасы уа: «Таш».

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ахия 20:21

Исса уа алагъа экинчи кере да: «Сизге ырахатлыкъ! Мени Ата ийгени кибик, Мен да сизни иеме», – деди.

Ишлери 15:14

Шимон, Аллах башха миллетлиледен Кесини атына махтау келтирлик бир халкъ болдурур ючюн алагъа бек алгъа къалай эс бёлгенин ангылатханды.

Римлилеге 1:1

Масих Иссаны къулу, Аллахны Хайыр Хапарын билдирирге сайланып, абустол болургъа чакъырылгъан мен Пауулдан салам!

Римлилеге 1:12

Алай демеклик, мен сизни арагъызда болгъанда мен сизни, сиз да мени, бирбирибизни ийманы бла кёлленирбиз.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

I Коринфлилеге 15:9

Нек десегиз мен абустолланы бек гитчелериме. Аллахны жамауатына зулму этгеним себепли, абустол аталыргъа тийишли да тюйюлме.

I Коринфлилеге 9:1

Абустол тюйюлмеми мен? Азат тюйюлмеми мен? Раббийибиз Масих Иссаны кёрмегенмеми мен? Сизни Раббийникиле болгъаныгъыз мени ишим тюйюлмюдю?

II Коринфлилеге 4:13

Алай а, Китапда: «Мен ийнаннганма эм аны себепли айтханма», – деп жазылгъаны кибик, ийманны ол нюрю бизде болуп, биз да ийнанабыз эм аны себепли айтабыз.

II Коринфлилеге 5:21

Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

Галатиялылагъа 2:8

Нек десегиз сюннетлилеге абустол болургъа Петерге кюч берген Аллах, манга да башха миллетлилеге абустол болургъа кюч бергенди.

Эфеслилеге 3:5

Адам улуланы алгъыннгы туудукъларына билдирилмеген, энди уа Масихни сыйлы абустолларына бла файгъамбарларына Сыйлы Нюрню юсю бла ачыкъ этилген сыр а ма буду:

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Эфеслилеге 4:5

Раббий бирди, ийман бирди, сууда кёмюлдюрюлюу бирди,

II Тимотейге 1:5

Сени кёзбаусуз ийманынгы эсиме тюшюреме; ол алгъын сени къарт ананг Лоидада эм кеси ананг Эвникеде болгъан бирча ийманны сенде да болгъанына толу ийнанама.

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Якъуп 1:1

Аллахны эм Раббий Масих Иссаны къулу Якъуп, Израильни чачылып айланнган онеки тукъумуна – салам!

I Петер 1:1

Масих Иссаны абустолу болгъан мен Петерден Понтда, Галатияда, Кападокияда, Асияда эм Битинияда жайылгъан киргинчилеге салам болсун!

I Петер 1:7

Алай бла сизни сыналгъан ийманыгъыз Масих Иссаны келлик заманында сизге махтау, хурмет эм уллулукъ тапдырыр. Ол ийманыгъыз от бла сыналгъан эсе да жоюлгъан алтындан да багъалыды.

I Петер 2:7

Алай бла Ол сизге, ийнаннганлагъа багъалыды, ийнанмагъанлагъа уа, «юй ишлеучюле сансыз этип атхан таш, ма, мюйюшню баш ташы болгъанды» эм «абындырыучу таш эмда чырмаучу къая болгъанды».

I Петер 5:1

Мен, бир тамата эм Масихни азап чекгенине шагъат эм ачыллыкъ махтаууна къошулгъан нёгер, сизни таматаларыгъыздан тилейме:

II Петер 1:4

Аланы хайырындан а, бизге бек уллу эм багъалы ант сёзле берилгендиле; алай бла сиз, бу дунияны бийлеп тургъан тыйгъычсызлыкъ бла бет жоюудан кери болуп, ол ант сёзлени юсю бла Аллахны табийгъатына къошулурсуз.

Яхуда 1:1

Масих Иссаны къулу эм Якъупну къарындашы мен Яхудадан, Аллах Ата сыйлы этген, Масих Исса сакълагъан, чакъырылгъанлагъа салам болсун!