II Коринфлилеге 8:9 - Сыйлы Инжил бла Забур

⁹ Раббийибиз Масих Иссаны шафауатын сиз билесиз: сиз Аны жарлылыгъы бла бай болур ючюн, Ол, бай болгъанынлай, сизни ючюн жарлы болгъанды.

II Коринфлилеге 8:9 Iomraidhean Croise

Маттай 17:27

Алай а биз аланы чамландырмаз ючюн, кёлге барып, ыргъакъ ат эмда алгъа тюшген чабакъны ал; сора, аны ауузун ачып, статир табарса; аны алып, Мени ючюн да, кесинг ючюн да алагъа бер», – деди.

Маттай 20:28

Муну кибик Адам Улу да, Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Маттай 8:20

Анга Исса: «Тюлкюлени тешиклери, кёкдеги къанатлыланы да уялары барды; Адам Улуну уа, башын салыр жери да жокъду», – деди.

Марк 6:3

Ол агъач уста тюйюлмюдю, Мариямны жашы, Якъупну, Юсюпню, Яхуданы эм Шимонну къарындашы тюйюлмюдю? Аны эгечлери да мында бизни арабызда тюйюлмюдюле?» – деп, кёллери чыгъып Анга ийнанмай эдиле.

Лука 16:11

Алай бла, сиз тюзлюксюз байлыкъда ышаннгылы болмагъан эсегиз, керти байлыкъны уа сизге ышанып ким берир?

Лука 2:7

Эм кесини биринчи Уланын тапды. Аны бёлеп, куудушха салды, нек десегиз алагъа къонакъ юйде жер жокъ эди.

Лука 8:3

Иродну юйюн тутхан Кузаны къатыны Иоханна, Сусанна эм кёп башха тиширыула да Иссаны биргесине эдиле. Была кеслерини мюлклери бла Анга къуллукъ эте эдиле.

Лука 9:58

Исса анга: «Тюлкюлени тешиклери, кёкдеги къанатлыланы да уялары барды, Адам Улуну уа башын салыр жери жокъду», – деди.

Ахия 1:10

Ол дунияда болгъанды, дуния Аны юсю бла болуп башлагъанды, алай а дуния Аны танымагъанды.

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 1:17

Нек десегиз Таурат Мусаны юсю бла берилгенди, шафауат бла хакъ керти уа Масих Иссаны юсю бла чыкъгъандыла.

Ахия 12:30

Исса алагъа: «Бу ауаз Мени ючюн тюйюл, сизни ючюн келди.

Ахия 16:15

Атамы неси бар эсе да, бары да Меникиди. Меникинден алып, сизге билдирликди деп айтханым аны ючюндю.

Ахия 17:19

Ала да хакъ керти бла сыйлы болсунла деп, ала ючюн Мен Кесими сыйлы къурман этип береме.

Римлилеге 11:12

Сора аланы терсликлери дуниягъа байлыкъ келтирген эсе, аланы жарлы болуулары да башха миллетлеге байлыкъ келтирген эсе, тамамлыкълары уа андан да уллу байлыкъ келтирликди!

Римлилеге 15:3

Нек десегиз Масих да Кесини кёлюне жараргъа кюрешмегенди, алай а: «Санга аман айтыучуланы бедиш сёзлери Мени юсюме тюшгендиле», – деп жазылгъаныча болгъанды.

Римлилеге 5:8

Аллах а бизге Кесини сюймеклигин, биз алыкъа гюняхлы болуп тургъан заманда, Масихни бизни ючюн ёлгени бла кёргюзтгенди.

Римлилеге 8:32

Кесини Уланын да аямай, алай а Аны бизни барыбыз ючюн берген Аллах Аны бла бизге хар нени да къалай бермез?

I Коринфлилеге 1:4

Сизни ючюн, Аллах Масих Иссада сизге берген шафауат ючюн, тохтамай, Аллахыма шукур этеме.

I Коринфлилеге 15:47

Биринчи адам жерден, топуракъдан жаратылгъанды, экинчи Адам а кёкден келген Раббий ди.

II Коринфлилеге 6:10

Мудах кибик кёрюнебиз, алай а хар заманда да къууанабыз. Жарлыбыз, алай а кёплени бай этебиз. Бир затыбыз да жокъду, алай а барына да иебиз.

Эфеслилеге 2:7

Ол, Масих Иссада бизге этген игилик бла, Кесини шафауатыны мардасыз уллу байлыгъын келлик ёмюрледе кёргюзтюр ючюн алай этгенди.

Эфеслилеге 3:19

Ангылаудан озгъан бу сюймекликни билиригизни эм алай бла Аллахны битеу толулугъу бла толуругъузну тилейме.

Эфеслилеге 3:8

Сыйлыланы битеу барындан да эм гитче болгъанымлай, Масихни акъылгъа сыйынмагъан байлыгъыны юсюнден башха миллетлеге хайыр хапар берирге

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

I Тимотейге 6:18

Ала ахшылыкъ этип, хайырлы ишле бла бай болсунла, чомарт эм илеш болсунла.

Чюйютлелеге 1:2

Бу ахыр кюнледе бизге Уланыны юсю бла айтып билдиргенди. Аны уа хар неге да ие этип салгъанды, дунияланы да Аны юсю бла жаратханды.

Якъуп 2:5

Тынгылагъыз, сюйюлюннген къарындашларым: Аллах бу дунияны жарлыларын, ала ийман бла бай болуп, Аны сюйгенлеге берирге айтхан Патчахлыкъдан юлюшлю болсунла деп сайламагъанмыды?

Билим Ачханы 2:9

„Сени ишлеринги, азап чекгенинги эм жарлылыгъынгы билеме. Алай а сен байса! Кеслерини юслеринден, биз иудейлилебиз деп, сизге аман айтханланы да билеме. Ала иудейли тюйюлдюле, шайтанны жыйымдыгъыдыла.

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.

Билим Ачханы 3:18

Сен бай болур ючюн, отда тазаланнган алтынны эм кийинир ючюн, къымыжалыгъынгы уятлыгъы кёрюнмез ючюн, акъ кийимни Менден алыргъа санга акъыл юйретеме; кёрюр ючюн да, кёзлеринге кёз дарман сюрт.