II Коринфлилеге 8:21 - Сыйлы Инжил бла Забур

²¹ Нек десегиз биз ахшылыкъ этерге жаланда Раббийни аллында кюрешип къалмай, алай а адамланы алларында да кюрешебиз.

II Коринфлилеге 8:21 Iomraidhean Croise

Маттай 23:5

Ала битеу ишлерин адамла кёрюр ючюн этедиле; кеслерини асыраучу жерлерин кенгертедиле, кийимлерини къыйырларына уллу чокайла тагъадыла;

Маттай 5:16

Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 6:4

Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

Римлилеге 12:17

Бир кишиге да аманлыкъ ючюн къайтарып аманлыкъ этмегиз, алай а битеу адамлагъа иги кёрюннген затланы этерге кюрешигиз.

Римлилеге 14:18

Муну бла Масиххе ким къуллукъ эте эсе да, ол Аллахны ыразы этеди эм адамла къабыл кёрюрге тийишлиди.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 8:20

Бу уллу саугъагъа жууаплы болуп, бизни этген къуллугъубуздан бизге киши гурушха болмаз ючюн сакъ болабыз.

II Коринфлилеге 8:22

Биз кёп кере, кёп ишлени къадалып этиучюсюн сынагъан, энди уа кеси сизге уллу ышаныуу бла андан да бек, ишге къадалгъан къарындашыбызны да ол эки къарындаш бла бирге иебиз.

I Фесалоникачылагъа 5:22

Хар тюрлю аманлыкъдан тыйылыгъыз.

I Тимотейге 3:7

Тёгерекдегиле да анга иги шагъатлыкъ этерге керекдиле; алайсыз ол, терсленип, ибилисни тузагъына тюшер.

I Тимотейге 5:14

Ол себепден мен жаш, тул къатынланы некяхлы болурларын, сабийле табарларын, юйлерин тутарларын эм душманнга аман айтыргъа бир тюрлю сылтау бермезлерин сюеме.

I Петер 2:12

Эм ийнанмагъан адамланы арасында жашауугъузну хайырлы ишле бла бардырыгъыз, сизге аманлыкъчылагъача аман сёзле айтханла, сизни хайырлы ишлеригизни кёрюп, алагъа жууукълашхан кюнюнде Аллахха махтау салсынла.