II Коринфлилеге 8:19 - Сыйлы Инжил бла Забур

¹⁹ Аны юсюне да ол къарындаш, Раббийни Кесине махтау салыныр ючюн эмда сизни болушургъа хазыр болгъаныгъызны кёргюзтюр ючюн, биз этген бу хайырлы къуллукъда жамауатладан бизни жолоучу нёгерибиз болургъа сайланнганды.

II Коринфлилеге 8:19 Iomraidhean Croise

Ишлери 14:23

Хар жамауатда алагъа таматала сайлагъандан сора, ораза бла тилек этип, ала ийнаннган Раббийге аланы аманат этип кетдиле.

Ишлери 15:22

Ол заманда абустолла бла таматала битеу жамауат бла бирге кеси араларындан сайлагъан адамларын Пауул эмда Барнаба бла Антиохиягъа иерге оноу этдиле. Къарындашланы арасында башчылыкъ этгенледен Баршаба аталгъан Иуданы эм Силаны сайладыла.

Ишлери 15:25

Ол себепден, биз жыйылып, арабыздан сайлагъан кишилени, бизни сюйген къарындашларыбыз Барнаба бла эм Пауул бла бирге сизге иерге бир ниетде оноу этгенбиз.

Ишлери 19:22

Сора анга болушханладан экеуленни, Тимотейни бла Эрастны Македониягъа ийип, кеси бир аз заманнга Асияда къалды.

Ишлери 19:29

Битеу шахар къаугъадан толду; Пауулну жолоучу нёгерлерин, Македониялы Гайны бла Аристархны тутуп сюйреп, бары да бирча театргъа мыллык атдыла.

Римлилеге 5:11

Аны бла да къалмай, алай а бизни энди Аллах бла жарашдыргъан Раббийибиз Масих Иссаны юсю бла Аллахны Кеси бла махтанабыз.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

II Коринфлилеге 4:15

Быланы бары да сизни ючюндю, алай бла Аллахны шафауаты жайылып, дагъыда кёп адамгъа жетип, Аллахха дагъыда кёп махтау салыныр эм шукур этилир ючюндю.

II Коринфлилеге 8:11

Энди уа бу ишни тамам этигиз; сиз сюйюп муну этерге тилегенигиз кибик, онгугъузгъа кёре тамам этерге кюрешигиз.

II Коринфлилеге 8:12

Нек десегиз биреу бир ишни сюйюп эте эсе, бу аны къолунда болмагъан затына кёре тюйюл, къолунда болгъан затына кёре къабыл этиледи.

II Коринфлилеге 8:20

Бу уллу саугъагъа жууаплы болуп, бизни этген къуллугъубуздан бизге киши гурушха болмаз ючюн сакъ болабыз.

II Коринфлилеге 9:2

Нек десегиз мен сизни болушургъа хазыр болгъаныгъызны билеме эм, Ахая былтырдан бери окъуна хазырды деп, Македониячыланы алларында сизни бла махтанама эмда сизни эришиуюгюз кёплеге кёл салдыргъанды.

II Коринфлилеге 9:8

Сизни хар заманда, хар не жаны бла да хар затыгъыз эркин болуп, сиз хар ахшы ишге чомарт болуп къошулур ючюн, Аллахны сизге хар игиликни кёп этерге кючю барды,