II Коринфлилеге 7:5 - Сыйлы Инжил бла Забур

⁵ Нек десегиз биз Македониягъа келгенибизде, чархыбыз бир тюрлю тынчлыкъ тапмагъан эди, алай а биз хар жанындан да къысылгъан эдик: тышындан – чабыуулла, ичибизде – къоркъуула бар эдиле.

II Коринфлилеге 7:5 Iomraidhean Croise

Ишлери 20:1

Къозгъалыу тохтагъандан сора, Пауул, сохталаны чакъыртып, алагъа насийхат берип, ала бла саламлашып, Македониягъа кетерге жолгъа чыкъды.

Римлилеге 15:26

Нек десегиз Македонияны бла Ахаяны жамауатлары Иерусалимде сыйлыланы арасында жарлылагъа бираз болушургъа къабыл кёргендиле.

I Коринфлилеге 15:31

Мен хар кюн сайын ёлеме: анга уа, къарындашларым, Раббийибиз Масих Иссаны хайырындан сизни ючюн менде болгъан махтауум бла шагъатлыкъ этеме.

I Коринфлилеге 16:5

Мен Македониядан озгъандан сора, сизге келликме; нек десегиз мен Македонияны юсю бла барама.

II Коринфлилеге 2:13

Алай болгъанлыкъгъа, къарындашым Титни анда тапмагъаным себепли, кёлюме ырахатлыкъ тапмагъан эдим, алай а, андагъыла бла саламлашып, Македониягъа кетген эдим.

II Коринфлилеге 2:3

Келгенимде, мени къууандырыргъа керек болгъан адамладан жаным къыйналмаз ючюн, мени жазгъаным ма ол эди. Мени къууанчым сизни барыгъызгъа да къууанч болгъанына ийнанып, сизни барыгъызгъа да ышанама.

II Коринфлилеге 2:9

Нек десегиз мен аны жазгъаным, сиз хар не жаны бла да бойсунамысыз деп, сынап билир ючюн эди.

Галатиялылагъа 4:11

Мен сизде бошму уруннганма деп, сизни ючюн къоркъама.

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.