II Коринфлилеге 7:4 - Сыйлы Инжил бла Забур

⁴ Мен сизге бек ышанама, сизни бла кёп махтанама. Мени жюрегим бек жапсарылгъанды. Бизни битеу бу къыйынлыкъларыбыз болгъанлай да, къууанчдан толума.

II Коринфлилеге 7:4 Iomraidhean Croise

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

I Коринфлилеге 1:4

Сизни ючюн, Аллах Масих Иссада сизге берген шафауат ючюн, тохтамай, Аллахыма шукур этеме.

II Коринфлилеге 1:14

Алай бла, бизни Раббийибиз Масих Иссаны кюнюнде биз сизни бла махтаннган кибик, сиз да бизни бла махтанырсыз.

II Коринфлилеге 1:4

Аллах бизни кесибизни жапсаргъан жапсарыу бла биз хар тюрлю къыйынлыкъда болгъанланы жапсарыргъа болалыр ючюн, Аллах бизни хар тюрлю къыйынлыгъыбызда да жапсарады.

II Коринфлилеге 10:8

Раббий бизге сизни бузаргъа тюйюл, къураргъа берген эркинлик бла, мен андан да бек махтансам да, айыплы боллукъ тюйюл эдим.

II Коринфлилеге 11:21

Айыпха айтама, анга уа бизни кючюбюз жетмегенди! Биреу бир зат бла махтаныргъа базына эсе уа – акъылсызча айтама! – мен да базынама.

II Коринфлилеге 2:14

Алай а, Аллахха шукур, Ол бизни хар заманда да Масихни хорламлы барыуунда жюрютеди эм Аны билиуню ариу ийисин бизни юсюбюз бла хар жерде да жаяды.

II Коринфлилеге 3:12

Аллай ышаныуубуз болуп, биз уллу таукеллик бла сёлешебиз.

II Коринфлилеге 7:14

Алай бла аны аллында сизни ючюн не бла махтаннган эсем да, айыплы болмагъанма; алай а, бизни сизге айтханларыбызны бары да тюз болгъанлары кибик, Титни аллында да бизни махтаныуубуз тюз болуп чыкъгъанды.

II Коринфлилеге 8:24

Алай бла сизни сюймеклигигизни эмда биз сизни юсюгюзден тюз махтаннганыбызны шартларын жамауатланы аллында алагъа кёргюзтюгюз.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

I Фесалоникачылагъа 2:19

Ол себепден кимди бизни ышаныуубуз, неда къууанчыбыз, неда Раббийибиз Масих Иссаны келген заманында Аны аллында махтау тажыбыз? Сиз тюйюлмюсюз?

I Фесалоникачылагъа 2:2

Сиз билгенча, алгъын Филипийде азап чегип ыйлыкъдырылгъан эдик, алай а, уллу къажаулукъгъа да къарамай, Аллахны Хайыр Хапарын сизге билдирирге Аллахыбыздан таукеллик алгъан эдик.

II Фесалоникачылагъа 1:4

Алай бла, биз кесибиз Аллахны жамауатларында сизни бла махтанабыз, сиз сынагъан битеу зулмулукълада эм къайгъылада сизни тёзюмюгюз бла эм ийманыгъыз бла махтанабыз.

Филимоннга 1:7

Сени сюймеклигингден биз уллу къууанч эм жапсарылыу алгъанбыз; нек десенг, къарындаш, сен сыйлыланы жюреклерин ырахатландыргъанса.

Якъуп 1:2

Къарындашларым, тюрлю сыналыулагъа тюшген заманыгъызда, аны уллу къууанч бла къабыл этигиз.