II Коринфлилеге 7:1 - Сыйлы Инжил бла Забур

¹ Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

II Коринфлилеге 7:1 Iomraidhean Croise

Забур 19:9

Ала тентирегендиле эм аугъандыла, биз а къопханбыз эмда тюз турабыз.

Забур 51:10

Мен а Аллахны юйюнде хар заманда да жашиллей тургъан зейтун терек кибикме эмда ёмюрледен ёмюрлеге да Аллахны мархаматына ышанама.

Маттай 12:33

Неда терекни ахшыгъа, аны кёгетин да ахшыгъа санагъыз; неда терекни аманнга, аны кёгетин да аманнга санагъыз; нек десегиз терек кёгетинден танылады.

Маттай 5:48

Алай бла, сизни Кёкдеги Атагъыз тамамча, тамам болугъуз».

Маттай 5:8

Таза жюреклиле насыплыдыла; нек десегиз ала Аллахны кёрлюкдюле.

Ишлери 9:31

Битеу Иудеяда, Галилеяда эм Самарияда болгъан жамауат ла ырахатлыкъда эди ле. Ийманда ёсе, Раббийден къоркъуу бла жашай, Сыйлы Нюрден кёлленип кёп бола эди ле.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

I Коринфлилеге 6:20

Нек десегиз сиз уллу багъа бла сатып алыннгансыз. Ол себепден чархларыгъыз бла эм нюрлеригиз бла Аллахха махтау салыгъыз. Была Аллахдандыла.

II Коринфлилеге 1:20

Нек десегиз Аллахны битеу ант бла берген сёзлери Масих Иссада «хау» болгъанды эм бу себепден Аллахны махтауу ючюн биз Масихни юсю бла Аллахха «амин» деп айтабыз.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.

I Фесалоникачылагъа 3:13

Раббийибиз Масих Исса, сизни жюреклеригизни кючлендирип, битеу сыйлылары бла келишинде Атабыз Аллахны аллында сыйлылыкъда айыпсыз этсин. Амин.

I Фесалоникачылагъа 4:7

Нек десегиз Аллах бизни харамлыкъгъа тюйюл, сыйлы жашаугъа чакъыргъанды.

I Фесалоникачылагъа 5:23

Ырахатлыкъ бериучю Аллах а Кеси сизни толусунлай сыйлы этсин эм сизни нюрюгюз да, жаныгъыз да, чархыгъыз да, Раббийибиз Масих Иссаны келиуюнде къыяусуз болур ючюн, битеу саулай сакълансын.

Чюйютлелеге 12:23

Кёкледе атлары жазылгъан тюнгючлени къууанч этген жыйылыууна эм жамауатына, барыны да Сюдюсю Аллахха, тамамлыкъгъа жетишген тюзлюклюлени нюрлерине,

Чюйютлелеге 12:28

Ол себепли биз, титиремезлик патчахлыкъны алгъаныбызгъа кёре, Аллахны шафауатын тутайыкъ; аны бла уа Аллахны сыйлы кёрюу бла эм Аллахдан къоркъуу бла Аны ыразы этип къуллукъ этейик.

Чюйютлелеге 4:1

Ол себепден, Аны берлик ырахатлыгъына кирирге энтда ант бла берилген сёзню кючю бар заманда, бизден биреу да андан къуру къалмаз ючюн сакъ болайыкъ.

Чюйютлелеге 6:9

Алай а сюйюлюннгенле, былай айта эсек да, сиз андан игирек халда болгъаныгъызгъа эм къутхарылыуну тутханыгъызгъа толу ийнанабыз.

Якъуп 4:8

Аллахха жууукълашыгъыз, Аллах да сизге жууукълашыр. Гюняхлыла, къолларыгъызны тазалагъыз, экили болуучула, жюреклеригизни тюзетигиз.

I Петер 1:15

Алай а, сизни чакъыргъан Сыйлыдан юлгю алып, кесигиз да хар ишигизде да сыйлы болугъуз;

I Петер 1:17

Хар кимни ишлерине кёре бет этип къарамай хукму этген Аллахха «Атабыз» дей эсегиз, сора хаух дунияда айланнган кезиуюгюзню Аллахдан къоркъуу бла ашырыгъыз.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 2:11

Сюйюлюннгенле! Сизден тилейме, бу дунияда киргинчилеча эм жолоучулача болуп, жаныгъызгъа къажау тургъан чархыгъызны тыйгъычсызлыкъларындан узакъ болугъуз

I Петер 5:10

Бизни Масих Иссада Кесини ёмюрлюк махтаууна чакъыргъан, шафауатдан толу болгъан Аллах, Ол Кеси, сизни бу аз заманда азап чегиуюгюз бла сизни тамамлы, бегимли, кючлю, къууатлы этсин.

I Ахия 1:7

Аны жарыкъда болгъаны кибик, жарыкъда жюрюй эсег’а, бир-бирибиз бла бирикмеклигибиз барды эм Аны Уланы Масих Иссаны къаны бизни хар гюняхдан тазалайды.

I Ахия 1:9

Гюняхларыбызны айтып ачыкъ эте эсек а, сора, Ол ышаннгылы эм тюзлюклю болгъаны себепли, бизни гюняхларыбызны кечер эмда бизни хар тюрлю аманлыкъдан тазалар.

I Ахия 3:3

Эм Масиххе бу ышаныуу болгъан хар адам, Масих таза болгъаны кибик, кесин тазалайды.