II Коринфлилеге 6:8 - Сыйлы Инжил бла Забур

⁸ Махталыуда эм сансызлыкъда, атыбыз аманнга чыкъгъанда да, ариу кёрюннгенде да, хар не жаны бла да кесибизни юлгюге тутабыз. Бизни алдаучулагъа санайдыла, алай а биз кертичибиз.

II Коринфлилеге 6:8 Iomraidhean Croise

Маттай 10:25

Сохтагъа, устазыча болса, къулгъа да бийича болса, тамамды. Юйню иесине беелзебул атагъан эселе, аны юйюндегилеге уа не айтмазла!»

Маттай 22:16

Ала Анга кеслерини сохталарын иродчула бла ийип: «Устаз! Сен тюз сёзлю болуп, Аллахны жолуна тюз юйретгенинги, биреуню кёлюне жетерге деп кюрешмегенинги биз билебиз; нек десенг бир кишиге да бет этип къарамайса.

Маттай 27:63

«Жюйюсхан! Ол алдауукъчу сау заманында: „Юч кюнден сора тиргизилликме“ деп айтханы эсибизге тюшдю.

Марк 12:14

Ала уа келип, Анга: «Устаз! Сен тюз сёзлю болгъанынгы эм биреуню кёлюне жетерге кюрешмегенинги биз билебиз; нек десенг бир кишиге да бет этип къарамайса, алай а Аллахны жолуна тюз юйретесе. Кесарьгъа жасакъ берирге тийишлимиди, огъесе тюйюлмюдю? Биз берейикми, огъесе бермейикми?» – дедиле.

Ахия 7:12

Аны юсюнден халкъда кёп хапарла жюрюй эдиле. Бир къауумла: «Ол иги адамды», – дей эдиле, башхалары уа: «Угъай, халкъны терилтеди», – дей эдиле.

Ишлери 10:22

Ала уа: «Жюзбашчы Корнелий – тюзлюклю эмда Аллахдан къоркъгъан, битеу иудей миллет да ыразы болгъан бир адам – сени юйюне чакъырып, сени айтырыкъ сёзлеринге тынгыларгъа сыйлы мёлекден буйрукъ алгъанды», – дедиле.

Ишлери 16:39

Сора, келип, аладан кечгинлик тиледиле эм аланы чыгъарып, шахардан кетерлерин тиледиле.

Ишлери 22:12

Дамаскда жашагъан, битеу иудейлиле хурмет этген, Тауратны жорукъларын тутхан дин ахлу, Ханания атлы бир киши,

Ишлери 24:5

Бу адам дунияны хар жеринде жашагъан битеу иудейлилени арасында къозгъау чыгъаргъан заранчы эм Назаретли сектаны башчыларындан болуп тапханбыз.

Ишлери 28:22

Алай а биз сени фикирлеринги сенден эшитирге сюебиз; нек десенг бу масхапны юсюнден хар жерде да даулашханлары бизге белгилиди», – дедиле.

Ишлери 4:21

Ала уа абустолланы дагъыда къоркъутхандан сора жибердиле. Алагъа азап салыр амал табалмагъан эдиле. Нек десегиз битеу халкъ болуннган иш ючюн Аллахха махтау сала эди.

Ишлери 5:13

Тыш адамладан бир киши да алагъа къошулургъа базынмай эди, халкъ а алагъа уллу хурмет эте эди.

Ишлери 6:3

Ол себепден къарындашла, кесигизни арагъыздан, аланы юсюнден иги шагъатлыкъ этилген, Сыйлы Нюрден эм акъылманлыкъдан толгъан жети адамны сайлагъыз; аланы бу къуллукъну этерге салайыкъ.

Римлилеге 3:8

Сора бир къауумла бизге аман айтып, сиз алай юйретесиз деп айтханлары кибик, биз аманлыкъмы этейик андан ахшылыкъ чыкъсын деп? Аллайлагъа тюзлюклю сюд этилликди.

II Коринфлилеге 1:18

Аллахны ышаннгылылыгъыны хакъына айтама, бизни сёзюбюз сизге бирде «хау», бирде «угъай» болмагъанды.

II Коринфлилеге 11:21

Айыпха айтама, анга уа бизни кючюбюз жетмегенди! Биреу бир зат бла махтаныргъа базына эсе уа – акъылсызча айтама! – мен да базынама.

II Коринфлилеге 12:16

Сёз ючюн мен кесим сизге жюк болмагъанма, алай а, хыйлачы болуп, сизни хыйлалыкъ бла алдагъанма деп айтайыкъ.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

I Фесалоникачылагъа 2:3

Нек десегиз бизни чакъырыуубузда не ажашыулукъ, не аман ниетлилик жокъду неда биз сизни алдаргъа кюрешмейбиз.

I Тимотейге 3:7

Тёгерекдегиле да анга иги шагъатлыкъ этерге керекдиле; алайсыз ол, терсленип, ибилисни тузагъына тюшер.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

Чюйютлелеге 13:13

Алай бла, Аны ючюн бедишлик этилгенибизге тёзе, ыстауатдан тышына чыгъып, Анга барайыкъ.

I Петер 4:14

Масихни аты ючюн сизге аман айта эселе, сиз насыплысыз; нек десегиз махтаулу Нюр, Аллахны Нюрю, сизни юсюгюзде къалады. Ала Анга аман айтадыла, сиз а Аны махтайсыз.

III Ахия 1:12

Бары да хакъ кертини кеси да Димитрийни юсюнден иги шагъатлыкъ этгендиле; аны кибик, биз да шагъатлыкъ этебиз, бизни шагъатлыгъыбыз тюз болгъанын а сиз да билесиз.

Билим Ачханы 3:9

Ма, Мен шайтанны жыйымдыгъына былай этерикме, кеслерине иудейлилебиз – деп, алай а аллайла болмай, ётюрюк айтханлагъа, – ма, Мен, ала келип сени аякъларынгы аллында баш урурча, алай этерикме эмда Мен сени сюйгеними билликдиле.