II Коринфлилеге 6:6 - Сыйлы Инжил бла Забур

⁶ Тазалыкъда, билимде, чыдамлылыкъда, ахшылыкъ этиуде, Сыйлы Нюрде, кёзбаусуз сюймекликде,

II Коринфлилеге 6:6 Iomraidhean Croise

Римлилеге 12:9

Сюймеклигигиз кёзбаусуз болсун. Аманлыкъдан жийиргенигиз, ахшылыкъгъа жабышыгъыз.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 13:4

Сюймеклик кёп тёзюмлюдю, хатерлиди, сюймеклик зарланмайды, сюймеклик кесин ёрге кётюрмейди, ёхтемлик этмейди,

I Коринфлилеге 2:16

Нек десегиз: «Раббийни акъылын ким билгенди, Аны юйретир кибик?» Бизде уа Масихни акъылы барды.

I Коринфлилеге 2:4

Мени сёзюм да, ууаз бериуюм да адамны акъылманлыгъындан ийнандырыучу сёзледен тюйюл, алай а Сыйлы Нюрню кючлендириуюню шартларындан эди.

II Коринфлилеге 1:23

Аллахны жаныма шагъат этеме, мен эндиге дери Коринфге сизни аяп келмей тургъаныма.

II Коринфлилеге 11:11

Алай нек этеме? Сизни сюймегенимденми? Сизни къалай сюйгеними Аллах биледи!

II Коринфлилеге 11:4

Нек десегиз ким болсада биреу, сизге келип, биз сизге билдирмеген башха Иссаны билдирип башласа, неда сиз алгъын алмагъан башха нюр алсагъыз неда сиз къабыл этмеген башха хайыр хапарны къабыл этсегиз, сиз анга бек иги тёзесиз.

II Коринфлилеге 11:6

Мен сёзге уста тюйюл эсем да, билим бла уа алай тюйюлме. Алай а биз хар жанындан да сизге толу белгилибиз.

II Коринфлилеге 12:15

Мен сизни жаныгъыз ючюн кеси затымы ыразы болуп жоярыкъма эм кесими аздырлыкъма. Сизни чексиз бек сюйгенимлей, сиз мени аз сюерге къалай болалырсыз?

II Коринфлилеге 13:10

Кесим сизни арагъызда болмай муну жазгъаным а, келген заманымда, Раббий манга бузаргъа тюйюл, къураргъа берген эркинлигим бла къатылыкъ этмез ючюндю.

II Коринфлилеге 2:10

Сиз а кимни не терслигин кече эсегиз, аны мен да кечеме; нек десегиз мен да, кимни не терслигин кечген эсем да, Масихни аллында сизни ючюн кечгенме.

II Коринфлилеге 2:4

Мен сизни жаныгъызны къыйнар ючюн тюйюл, алай а менде сизни сюймеклик къалай толу болгъанын сиз ангылар ючюн, мен сизге уллу къайгъыдан эм жюрегими такъырлыгъындан кёп жилямукъла бла жазгъан эдим.

II Коринфлилеге 3:3

Сиз Масихни письмосу болгъаныгъызны кёргюзтесиз. Ол письмо уа бизни къуллукъ этиуюбюзню юсю бла шакъы бла угъай, жашау бериучю Аллахны Нюрю бла, таш гыйылагъа тюйюл, эт гыйылагъа, адамланы жюреклерине жазылгъанды.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

II Коринфлилеге 7:2

Жюреклеригизде бизге жер беригиз. Биз биреуню да инжитмегенбиз, биреуге да заран этмегенбиз, биреуню да къыйынын ашамагъанбыз.

Галатиялылагъа 3:2

Сизден жаланда муну билирге сюеме: сиз Сыйлы Нюрню Тауратны фарызларын тутууугъуз бламы, огъесе Хайыр Хапарны эшитип анга ийнаныуугъуз бламы алгъансыз?

Галатиялылагъа 3:5

Сизге Сыйлы Нюрню берген эм сизни арагъызда къудуретли ишле этген Аллах, быланы Тауратны фарызларын тутханыгъыз ючюнмю, огъесе сиз Хайыр Хапаргъа тынгылап анга ийнаннганыгъыз ючюнмю этеди?

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Эфеслилеге 3:4

Сиз, муну окъуп, Масихни сырын ангылагъанымы сезерге боллукъсуз.

Эфеслилеге 4:2

Хар тюрлю сабыр акъыллылыкъ бла, жууашлыкъ бла эмда тёзюмлюлюк бла бирбиригизге сюймеклик бла жумушакълыкъ этигиз,

Эфеслилеге 4:32

Алай а бир-биригизге халал, жазыкъсыныучу болугъуз; Аллах сизге Масихде кечгинлик бергени кибик, сиз да бир-биригизге кечгинлик беригиз.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:3

Масихде уа битеу акъылманлыкъны бла билимни хазнасы жашырылыпды.

Колослулагъа 3:12

Алай бла, сюйюлюннген сыйлыла, Аллах сайлагъанлача, жумушакъ жюреклиликни, жазыкъсыныулукъну, сабыр акъыллылыкъны, жууашлыкъны, кёп тёзюмлюлюкню юсюгюзге кийигиз.

I Фесалоникачылагъа 2:10

Сизни – ийнаннганланы – аллыгъызда биз къалай сыйлы, тюзлюклю эм айыпсыз жашагъаныбызгъа сиз шагъатсыз, Аллах да шагъатды.

I Тимотейге 4:12

Сени жашлыгъынгы бир киши да сансыз этмесин; алай а сёз айтыуда, жашауда, сюймекликде, нюрде, ийманда, тазалыкъда ийманлылагъа юлгю бол.

I Тимотейге 5:2

Тамата къатынлагъа, анангача, жаш къызлагъа да хар тюрлю тазалыкъ бла эгечлерингеча айтып ангылат.

II Тимотейге 3:10

Сен а юйретиуюмю, жашаууму, муратымы, ийманымы, тёзюмлюлюгюмю, сюймеклигими,

II Тимотейге 4:2

Аллахны сёзюн билдир, заманында да, замансыз да бу ишни бардыр, адамланы тёзюмлюлюк бла юйретип айыпла, тый эмда кёллендир.

Титге 2:7

Хар не жаны бла да кесингде ахшы ишле бла юлгю кёргюзт, устазлыгъынгда таза ниетли, тийишли, бузукъсуз бол.

Якъуп 3:17

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Ахия 3:18

Сабийлерим! Сёз бла неда тил бла тюйюл, алай а иш бла эм кертилик бла сюейик.