II Коринфлилеге 6:5 - Сыйлы Инжил бла Забур

⁵ Тюйюлюуледе, тюрмеледе, къозгъалыулада, урунуулада, жукъусуз кечеледе, ораза тутуулада,

II Коринфлилеге 6:5 Iomraidhean Croise

Маттай 14:10

Эм адам ийип, тюрмеде Ахияны башын кесдиртди.

Маттай 14:3

Нек десегиз Ирод, кесини къарындашы Филипни къатыны Иродиада ючюн Ахияны тутдуруп, байлатып, тюрмеге салдыргъан эди.

Маттай 9:15

Исса алагъа: «Киеуню нёгерлери, киеу ала бла болгъан заманда мудах болургъа болаллыкъмыдыла? Алай а киеу аладан сыйырылгъан кюнле келликдиле, сора ол заманда ораза тутарыкъдыла.

Ишлери 13:3

Ол заманда ала, ораза тутуп тилек этгенден сора, аланы юслерине къолларын салып, аланы атландырдыла.

Ишлери 14:19

Антиохиядан бла Икониядан бир къауум иудейлиле келип, абустолла таукел сёлешген заманда: «Ала бир керти зат айтмайдыла, айтханлары бары да ётюрюкдю», – деп халкъны ийнандырып абустолладан айырдыла. Сора халкъны къозутуп, Пауулну ташла бла тюйдюрдюле эмда, ёлген сунуп, шахардан тышына чыгъарып атдыла.

Ишлери 14:23

Хар жамауатда алагъа таматала сайлагъандан сора, ораза бла тилек этип, ала ийнаннган Раббийге аланы аманат этип кетдиле.

Ишлери 17:5

Ийнанмагъан иудейлиле уа, зарланып, базар майдандан бир къауум жараусуз адамланы кеслери жанлы этип, жыйын болуп шахарны къозгъадыла эм, Ясонну юйюне чабыуул этип, Пауулну бла Силаны халкъны аллына чыгъарыргъа изледиле.

Ишлери 20:31

Ол себепден сакъ болугъуз, юч жылны ичинде кече да, кюн да тохтамай жилямукъларым бла хар биригизге берген насийхатымы эсигизде тутугъуз.

Ишлери 23:10

Даулаш уллугъа кетгенде уа, аскер башчы, ала Пауулну талайдыла деп къоркъуп, аны, тюшюп аланы араларындан алып, къалагъа элтирге аскерчилеге буйрукъ берди.

Ишлери 23:35

«Сени терслегенле келген заманда тынгыларма санга», – деди. Сора Пауулну Иродну тоханасында сакъларгъа буйрукъ берди.

Ишлери 24:27

Алай а эки жыл озгъандан сора, Феликсни орунуна Поркий Фест келди; иудейлилени ыразы этерге сюйюп, Феликс Пауулну тюрмеде къойду.

Ишлери 26:10

Мен Иерусалимде алай да этгенме: баш дин къуллукъчуладан эркинлик алып, мен сыйлыладан кёплерин тюрмелеге салгъанма эмда алагъа ёлюм азабы берилген заманда алагъа къажау чёп атханма.

Ишлери 26:29

Пауул а анга: «Аз эсе, кёп эсе да, жангыз сен тюйюл, алай а бюгюн сёзюмю эшитгенле барысы да, бу бугъоуларымдан башха, мени кибик болуругъузну мен Аллахдан тилер эдим», – деди.

Ишлери 28:30

Сора Пауул анда кесини къол къыйыны бла сау эки жыл жашады эмда анга келгенлени барысын да къабыл этип,

Ишлери 5:18

Эмда, абустолланы тутуп, халкъны тюрмесине салдыла.

I Коринфлилеге 15:10

Алай а Аллахны шафауаты бла не болгъан эсем да, болгъанма. Аны манга берген шафауаты бошуна болмагъанды. Мен аланы барындан да кёп уруннганма, алай а мен угъай, Аллахны менде болгъан шафауаты уруннганды.

I Коринфлилеге 4:11

Эндиге дери окъуна ачлыкъгъа эм суусаплыкъгъа, жаланнгачлыкъгъа эм тюйюлюуге тёзебиз, бир жерде да тынчаймай айланабыз

I Коринфлилеге 7:5

Ыразылыкъ бла, бир кесек заманнга, ораза тутар эм тилек этер ючюн болмаса, бир-биригизден артха турмагъыз; андан сора уа, сизни тыйгъысызлыгъыгъыз бла шайтан сизни терилтмез ючюн, дагъыда бирге болугъуз.

II Коринфлилеге 11:27

Урунуп бек къыйналгъанма, кёп кере жукъусузлукъ, ачлыкъ эм суусаплыкъ сынагъанма. Кёп кере ашсыз эмда сууукълукъда жаланнгач къалгъанма.

Эфеслилеге 3:1

Ол себепден а мен, Пауул, сиз башха миллетлиле ючюн Масих Иссагъа жесир болгъанма.

I Фесалоникачылагъа 2:9

Ишексиз, къарындашла, бизни урунууубуз эм къыйналгъаныбыз сизни эсигиздеди: сизден биригизни да къыйнамаз ючюн, биз, кече да, кюн да ишлеп, сизге Аллахны Хайыр Хапарын алай билдирген эдик.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

II Тимотейге 1:8

Алай бла Раббийибиз Масих Исса гъа шагъатлыкъ этмекден, не Аны ючюн тутмакъ болгъан менден ыйлыкъсынма; алай а Аллахны кючюне ышанып Масихни Хайыр Хапарын жайыуда мени бла бирге азап чек.

II Тимотейге 2:9

Ол Хайыр Хапар ючюн а мен аманлыкъчы кибик тутмакълыкъгъа дери окъуна азап чегеме. Алай а Аллахны сёзюне тутмакълыкъ жокъду.

II Тимотейге 4:5

Алай а сен хар не жаны бла да сакъ бол, къыйынлыкълагъа тёз, Хайыр Хапарчылыкъны ишин эт, къуллукъ этиуюнгю толтур.

Чюйютлелеге 11:36

Бир къауумлары хыликкя этилип тюйюлгендиле, аны юсюне да бугъоула эм тутмакълыкъла сынагъандыла.

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.

Чюйютлелеге 13:23

Къарындашыбыз Тимотей эркин болгъанын билигиз. Ол къысха заманда бери келсе, мен да аны бла бирге сизни кёрюрге барырма.

Билим Ачханы 2:10

Сен сынарыкъ къыйынлыкъладан къоркъма. Ма, ибилис, сизни сынар ючюн, сизни арагъыздан бир къауумланы тюрмеге саллыкъды эм он кюн къыйынлыкъда боллукъсуз. Ёлюрге керек болсанг да тюз бол, сора санга жашауну тажын берликме.