II Коринфлилеге 6:1 - Сыйлы Инжил бла Забур

¹ Биз а, Аллах бла бирге урунуучулача, Аллахны шафауатын къабыл этгенигиз бошуна болмасын деп, сизге жалбарабыз.

II Коринфлилеге 6:1 Iomraidhean Croise

Маттай 23:37

Иерусалим, файгъамбарланы къырыучу, санга жиберилгенлени ташла бла тюйюп ёлтюрюучю Иерусалим! Къанатлы кесини балаларын къанатларыны тюбюне жыйгъанча, Мен сени сабийлеринги жыяргъа ненча кере изледим, сиз а унамадыгъыз!

Ишлери 11:23

Сыйлы Нюрден бла иймандан толгъан, огъурлу адам Барнаба, Антиохиягъа келгенинде ол адамлада Аллахны шафауатын кёрюп къууанды.

Ишлери 14:3

Болсада Пауул бла Барнаба мында бир бёлек заман туруп, Раббийни юсюнден таукеллик бла айта эдиле, Ол а Кесини шафауатыны юсюнден сёзге шагъатлыкъгъа, аланы къоллары бла илишанла эм сейир ишле болдура эди.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

I Коринфлилеге 3:9

Нек десегиз биз Аллахха къуллукъ этиучю нёгерлебиз, сиз а Аллахны сабанысыз, Аллахны къурулуш мекямысыз.

II Коринфлилеге 10:1

Сизни арагъызда кесим уялчакъ болгъан, алай а сизден узакъда таукел болгъан мен Пауул, Масихни жууашлыгъы бла эм тёзюмлюк этиую бла сизге жалбарама:

Галатиялылагъа 2:21

Аллахны шафауатын къабыл этмей къоймайма. Адам Законну юсю бла ариуланала эсе уа, сора Масих керексизге ёлгенди», – деген эдим.

Галатиялылагъа 3:4

Сизни ол къадар къыйынлыкъгъа тёзгенигиз керексизгеми болду? Кертиси да была бары да керексизге тюйюлдюле.

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.

Титге 2:11

Нек десенг Аллахны битеу адамланы къутхаргъан шафауаты ачыкъ болгъанды.

Чюйютлелеге 12:15

Сакъ болугъуз, бир киши да Аллахны шафауатындан къуру къалмасын, бир тюрлю ачы тамыр чыгъып, заран этмесин эм кёплени харам этмесин.

Чюйютлелеге 12:25

Сакъ болугъуз, быланы Айтханны къабыл этмей къоймагъыз. Нек десегиз ала, жер башында айтханнга тынгыламагъанлары ючюн, жазадан къутулмагъан эселе, сора бегирек да биз, кёкледен бизге Айтханны къабыл этмей къойсакъ, жазадан къутуллукъ тюйюлбюз.

Чюйютлелеге 4:1

Ол себепден, Аны берлик ырахатлыгъына кирирге энтда ант бла берилген сёзню кючю бар заманда, бизден биреу да андан къуру къалмаз ючюн сакъ болайыкъ.

I Петер 4:10

Хар ким ол алгъан саугъагъыз бла, Аллахны кёп тюрлю шафауатында огъурлу юй жюрютюучюле кибик, бир-биригизге къуллукъ этигиз.