II Коринфлилеге 5:21 - Сыйлы Инжил бла Забур

²¹ Нек десегиз биз Масихни юсю бла Аллахны аллында тюзлюклю болур ючюн, Аллах гюнях не болгъанын билмеген Масихни бизни гюняхларыбыз ючюн къурман этгенди.

II Коринфлилеге 5:21 Iomraidhean Croise

Лука 1:35

Мёлек анга жууапха: «Санга Сыйлы Нюр тюшерикди эмда Аллаху-Тааланы кючю сени жабарыкъды. Ол себепден, туугъан Сыйлыгъа да Аллахны Уланы аталлыкъды.

Ишлери 3:14

Сиз Сыйлыны эм Тюзлюклюню инкяр этип, бир мурдарны сизге беририн тилегенсиз.

Римлилеге 1:17

Хайыр Хапарда Аллахны тюзлюклюлюгю, Китапда: «Тюзлюклю ийманы бла жашарыкъды», – деп жазылгъаны кибик, ачыкъ этиледи. Тюзлюклюлюк жаланда ийман бла болады.

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 5:19

Бир адамны бой салмауу бла кёпле гюняхлы болгъанлары кибик, биреуню бой салыуу бла да кёпле алай тюзлюклю боллукъдула.

I Коринфлилеге 1:30

Алай а сиз Аллахны болушлугъу бла Масих Иссадасыз. Масих а бизни ючюн Аллахдан келген акъылманлыкъ, тюзлюклюлюк, сыйлылыкъ эмда гюняхларыбызны тёлеген болуп къалгъанды,

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 3:13

Ибрахимге берилген ыразылыкъ Масих Иссаны юсю бла башха миллетлеге да жайылыр ючюн эм Аллах берирге айтхан Сыйлы Нюрню биз ийманыбыз бла алыр ючюн,

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.

Чюйютлелеге 7:26

Аллай Баш Дин Къуллукъчу бизни кереклибизге болушаллыкъды. Ол сыйлыды, аманлыкъгъа къатышмагъанды, таза айыпсызды, гюняхлыладан айырылгъанды эм кёкледен да бийикде турады.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 3:5

Масих бизни гюняхларыбызны Кесини боюнуна алыр ючюн келгенин эм Анда гюнях болмагъанын сиз билесиз.