II Коринфлилеге 5:15 - Сыйлы Инжил бла Забур

¹⁵ Жашагъанла энди кеслери ючюн жашамай, алай а ала ючюн ёлген эм тиргизилген Масих ючюн жашасынла деп, Масих битеу адамла ючюн ёлгенди.

II Коринфлилеге 5:15 Iomraidhean Croise

Лука 1:74

Ол, бизни душманларыбызны къолларындан къутхаргъандан сора,

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:57

Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Римлилеге 12:1

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Римлилеге 4:25

Исса уа бизни гюняхларыбыз ючюн къурманнга берилгенди эм бизни ариулар ючюн тиргизилгенди.

Римлилеге 6:2

Биз гюняхха ёлгенбиз, сора энтда гюняхда къалай жашайыкъ?

Римлилеге 6:6

Биз энди гюняхны къуллары болмайыкъ деп, гюняхлы чархларыбыз къорар ючюн бизни эски жашауубуз Масих бла бирге къачха керилгенин билебиз.

Римлилеге 8:10

Масих сизде эсе уа, чархыгъыз гюнях амалтын ёлюдю, нюрюгюз а тюзлюклю болгъаныгъыз ючюн сауду.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

Римлилеге 8:6

Гюняхлы табийгъатны ойлашыулары ёлюм, Нюрню ойлашыулары уа жашау эм ырахатлыкъды.

I Коринфлилеге 10:33

Мен да кесиме хайырны тюйюл, алай а ала къутхарылыр ючюн кёплеге хайырны излеп, хар зат бла да барысыны да кёллерине жетерге кюрешеме.

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

II Коринфлилеге 3:6

Ол бизни, жазылгъан жорукълагъа тюйюл, Сыйлы Нюрге таяннган Жангы Кесаматны къуллукъчулары болургъа жетишимли этгенди. Жазылгъан жорукъ ёлтюреди, Нюр а жашатады.

II Коринфлилеге 5:16

Ол себепден биз, энди бир кишини да тыш сыфатына кёре танымайбыз. Масихни чархына кёре таныгъан эсек да, энди уа алай танымайбыз.

Галатиялылагъа 5:25

Биз Нюр бла жашай эсек, сора Нюрню оноуунда жюрюрге керекбиз.

Эфеслилеге 4:17

Ол себепден мен айтама эм Раббийни хатыры бла тилейме, сиз энди, башха миллетле кеслерини акъылларыны магъанасызлыгъы бла этгенча этмегиз.

Эфеслилеге 5:14

Ол себепден: «Тур, эй жукълап тургъан, ёлгенледен тиргизил, Масих сени жарытыр», – деп айтылады.

Колослулагъа 2:12

Сууда кёмюлдюрюлген заманыгъызда сиз Масихни биргесине кёмюлгенсиз эм ол заманда Аны ёлгенледен тиргизген Аллахны кючюне ийнаныуугъуз бла, сиз Аны бла бирге тиргизилгенсиз.

Колослулагъа 3:1

Ол себепден, сиз Масих бла тиргизилген эсегиз, сора кёкдегин излегиз, анда Масих Аллахны онг жанында олтурады.

Колослулагъа 3:17

Эм сёз бла неда иш бла сиз не эте эсегиз да, барын да Раббий Масих Иссаны аты бла, Аны юсю бла Аллах Атагъа шукур этип тындырыгъыз.

Колослулагъа 3:23

Эм хар этген затыгъызны, адамлагъа этгенча угъай, Раббийге этгенча, кёлюгюз бла этигиз.

I Фесалоникачылагъа 5:10

Сагъайып тура эсек да, неда жукълай эсек да, Масих, биз Аны бла бирге жашар ючюн, бизни ючюн ёлгенди.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.

I Петер 4:6

Нек десегиз ёлгенлеге да, ала, башха адамла кибик, чархлары бла сюдге тартылсала да, Аллах кибик, нюр бла жашар ючюн, Хайыр Хапар билдирилгенди.

I Ахия 4:9

Аллах бу дуниягъа Кесини жангыз Уланын, биз Аны юсю бла жашау алыр ючюн ийгени бла, Аллахны сюймеклиги бизге ачылгъанды.

Билим Ачханы 1:18

Сау Менме. Ёлген да болгъанма; ма къара, ёмюрледен ёмюрлеге да саума. Амин. Ахыратны эм ёлюмню ачхычлары Мендедиле.