II Коринфлилеге 4:2 - Сыйлы Инжил бла Забур

² Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

II Коринфлилеге 4:2 Iomraidhean Croise

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 6:21

Сиз энди ала ючюн уялгъан ишлеригиз ден ол заманда не хайырыгъыз бар эди? Ол ишлени ахыры ёлюмдю.

I Коринфлилеге 4:5

Ол себепден, Раббий келгинчи, замандан алгъа бир тюрлю сюд да этмегиз. Ол а къарангыда жашырылгъанланы жарыкъгъа чыгъарыр эм адамланы жюреклериндеги ниетлерин ачыкъ этер. Ол заманда уа хар кимге да махтау Аллахдан болур.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 11:6

Мен сёзге уста тюйюл эсем да, билим бла уа алай тюйюлме. Алай а биз хар жанындан да сизге толу белгилибиз.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 5:11

Алай бла, Раббийден къоркъууну не болгъанын ангылап, биз адамланы ийнандырабыз, Аллахха уа биз ачыкъбыз, сизни жюреклеригизге да ачыкъбыз деп умут этеме.

II Коринфлилеге 6:8

Махталыуда эм сансызлыкъда, атыбыз аманнга чыкъгъанда да, ариу кёрюннгенде да, хар не жаны бла да кесибизни юлгюге тутабыз. Бизни алдаучулагъа санайдыла, алай а биз кертичибиз.

II Коринфлилеге 7:14

Алай бла аны аллында сизни ючюн не бла махтаннган эсем да, айыплы болмагъанма; алай а, бизни сизге айтханларыбызны бары да тюз болгъанлары кибик, Титни аллында да бизни махтаныуубуз тюз болуп чыкъгъанды.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Эфеслилеге 5:12

Нек десегиз аллай адамланы ташада этген ишлерин айтыргъа да айыпды.