II Коринфлилеге 4:11 - Сыйлы Инжил бла Забур

¹¹ Ол себепден, бизни ёллюк чархыбызда Иссаны жашауу ачыкъ кёрюнюр ючюн, биз саула Исса ючюн тохтаусуз ёлюмге бериле турабыз.

II Коринфлилеге 4:11 Iomraidhean Croise

Забур 141:7

Мени жанымы тутмакъдан чыгъар, мен да Сени атынга махтау салайым. Сен манга ахшылыкъ этгенинги кёргюзтсенг, мени тёгерегиме тюзлюклюле жыйылырла.

Римлилеге 8:11

Иссаны ёлгенледен тиргизген Аллахны Нюрю сизде жашай эсе уа, сора Масихни ёлгенледен тиргизген Аллах, Кесини сизде жашагъан Нюрю бла, сизни ёллюк чархларыгъызгъа да жашау берликди.

Римлилеге 8:36

Китапда жазылгъаны кибик: «Сени ючюн бизни хар кюн сайын ёлтюредиле, бизни союллукъ къойлагъа санайдыла».

I Коринфлилеге 15:31

Мен хар кюн сайын ёлеме: анга уа, къарындашларым, Раббийибиз Масих Иссаны хайырындан сизни ючюн менде болгъан махтауум бла шагъатлыкъ этеме.

I Коринфлилеге 15:49

Сора биз, жерден жаратылгъанны сыфатын жюрютгенибиз кибик, кёкден болгъанны сыфатын да жюрютюрюкбюз.

II Коринфлилеге 4:10

Иссаны жашауу бизни чархыбызда ачыкъ кёрюнюр ючюн, Раббий Иссаны ёлюлюгюн хар заманда чархыбызда жюрютебиз.

II Коринфлилеге 4:12

Мынга кёре, бизде ёлюм, сизде уа жашау жюрюйдю.

II Коринфлилеге 5:4

Биз, бу чархыбызда тургъан заманыбызда, ауур жюк тюбюнде ахтынабыз; нек десегиз тешинирге сюймейбиз, ёллюк чархыбызны ёлюмсюзлюк жутар ючюн кийинирге сюебиз.

II Коринфлилеге 6:9

Биз белгили тюйюлбюз, алай а бизни таныйдыла; бизни ёлгенлеге санайдыла, алай а ма, биз саубуз; бизге азап саладыла, алай а биз ёлмейбиз;