II Коринфлилеге 4:10 - Сыйлы Инжил бла Забур

¹⁰ Иссаны жашауу бизни чархыбызда ачыкъ кёрюнюр ючюн, Раббий Иссаны ёлюлюгюн хар заманда чархыбызда жюрютебиз.

II Коринфлилеге 4:10 Iomraidhean Croise

Ахия 14:19

Бираздан сора дуния Мени энди кёрлюк тюйюлдю, сиз а Мени кёрлюксюз. Мен жашагъаным ючюн, сиз да жашарыкъсыз.

Римлилеге 6:5

Нек десегиз биз Аны ёлгенича ёлюп Анга къошулгъан эсек, Аны тиргизилгенича да тиргизилип Анга къошулурукъбуз.

Римлилеге 6:8

Биз Масих бла ёлген эсег’а, Аны бла жашарыгъыбызгъа да ийнанабыз.

Римлилеге 8:36

Китапда жазылгъаны кибик: «Сени ючюн бизни хар кюн сайын ёлтюредиле, бизни союллукъ къойлагъа санайдыла».

II Коринфлилеге 1:5

Ол себепден, Масихни къыйналыулары бизде къалай кёп бола эселе да, Масихни юсю бла жапсарылыуубуз да алай кёп болады.

II Коринфлилеге 1:9

Алай а ичибизден, ёлюмге сюд этилгенибизни сезген эдик; ол а, биз кесибизге ышанмай, ёлгенлени тиргизиучю Аллахха ышаныр ючюн болгъан эди.

II Коринфлилеге 13:4

Нек десегиз Ол къарыусузлукъдан къачха керилген эсе да, энди Аллахны кючю бла сауду; аны кибик биз да Масихде къарыусуз эсек да, Аллахны кючю бла Аны бла бирге сизни ючюн сау жашарыкъбыз.

II Коринфлилеге 4:11

Ол себепден, бизни ёллюк чархыбызда Иссаны жашауу ачыкъ кёрюнюр ючюн, биз саула Исса ючюн тохтаусуз ёлюмге бериле турабыз.

Галатиялылагъа 6:17

Алай а, мени бир киши да жарсытмасын; нек десегиз Раббий Иссаны жараларын мен чархымда жюрютеме.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

II Тимотейге 2:11

Бу сёз ышаннгылыды: биз Аны бла ёлген эсек, сора Аны бла жашарыкъбыз.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

I Петер 4:14

Масихни аты ючюн сизге аман айта эселе, сиз насыплысыз; нек десегиз махтаулу Нюр, Аллахны Нюрю, сизни юсюгюзде къалады. Ала Анга аман айтадыла, сиз а Аны махтайсыз.

Билим Ачханы 1:17

Аны кёргенимде, ёлгенча болуп, Аны аякъларына аудум. Ол, онг къолун мени юсюме салып, манга былай айтды: «Къоркъма! Биринчи да, Ахыргъы да Менме.