II Коринфлилеге 3:7 - Сыйлы Инжил бла Забур

⁷ Ташлагъа харфла бла жазылгъан, ёлюм келтирген къуллукъ Таурат, аллай бир аламат болуп, Мусаны бети жалан бир аз заманнга нюр жаннганы ючюн, Израиль улулары аны бетине къараялмагъан эселе,

II Коринфлилеге 3:7 Iomraidhean Croise

Ишлери 6:15

Синедрионда олтургъанла барысы да, Истефаннга сынап къарап, аны бети, мёлекни бетича болуп къалгъанын кёрдюле.

Римлилеге 10:4

Хар ийнаннган ариуланыр ючюн, Масих Тауратны Законун ахырына жетдиргенди.

Римлилеге 4:15

Нек десегиз Закон Аллахны чамланыуун чыгъарады, алай а закон болмагъан жерде законну бузаргъа да амал жокъду.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

Римлилеге 7:10

Мен а ёлгенме. Сора жашатыр ючюн берилген фарыз манга ёлюм келтиргенди.

Римлилеге 7:22

Нек десегиз, ич адамыма кёре, Аллахны Законунда зауукълукъ табама.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

I Коринфлилеге 13:10

Тамамлыкъ жетген заманда уа, тамамлы болмагъан кетерилир.

II Коринфлилеге 3:3

Сиз Масихни письмосу болгъаныгъызны кёргюзтесиз. Ол письмо уа бизни къуллукъ этиуюбюзню юсю бла шакъы бла угъай, жашау бериучю Аллахны Нюрю бла, таш гыйылагъа тюйюл, эт гыйылагъа, адамланы жюреклерине жазылгъанды.

II Коринфлилеге 3:6

Ол бизни, жазылгъан жорукълагъа тюйюл, Сыйлы Нюрге таяннган Жангы Кесаматны къуллукъчулары болургъа жетишимли этгенди. Жазылгъан жорукъ ёлтюреди, Нюр а жашатады.

II Коринфлилеге 3:8

Сора Сыйлы Нюрню къуллукъ этиую уа андан да аламат болургъа керек тюйюлмюдю?

Галатиялылагъа 3:10

Тауратны фарызларын тутуугъа ышаннганла уа бары да налат боладыла. Нек десегиз Китапда: «Таурат китапда жазылгъанланы барын да хар заманда да этип толтурмагъан хар адам налатды», – деп жазылгъанды.

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Чюйютлелеге 12:18

Сиз жууукълашхан, не сезилген эм от жаннган Синай тау, не къарангылыкъ эм мутхузлукъ, не уллу жел тюйюлдю,

Чюйютлелеге 3:3

Алай а, юйню къурагъан адам юйден эсе багъалы болгъаны кибик, Исса да Мусадан эсе уллу хурмет тийишлиге саналгъанды.

Чюйютлелеге 9:4

Анда уа алтын ладан ийис этдириучю эм хар жанындан да алтын бла тышланнган кесаматны кюбюрчеги бар эди, ол кюбюрчекде уа ичине манна къуюлгъан алтын сауут, Харунну чакъгъан таягъы эм кесамат жазылгъан гыйы ташла бар эдиле.