II Коринфлилеге 3:6 - Сыйлы Инжил бла Забур

⁶ Ол бизни, жазылгъан жорукълагъа тюйюл, Сыйлы Нюрге таяннган Жангы Кесаматны къуллукъчулары болургъа жетишимли этгенди. Жазылгъан жорукъ ёлтюреди, Нюр а жашатады.

II Коринфлилеге 3:6 Iomraidhean Croise

Маттай 13:52

Ол а алагъа: «Ол себепли, Кёклени Патчахлыгъына юйреннген хар алим, кесини хазнасындан жангыны бла эскини чыгъаргъан мюлк иесине ушайды», – деди.

Маттай 26:28

Бу Мени, гюняхла кечилсинле деп, кёпле ючюн тёгюлген, жангы кесаматны бегим этген къанымды.

Марк 14:24

Дагъыда алагъа: «Бу Мени кёпле ючюн тёгюлген, жангы кесаматны бегим этген къанымды.

Лука 22:20

Ашагъандан сора аякъны да алай алып: «Бу аякъ, сизни ючюн тёгюлген Мени къаным бла (бегитилген) жангы кесаматды.

Ахия 5:21

Ата ёлгенлени къалай тиргизе эсе эм сау эте эсе да, Улан да кимни сюйсе да алай сау этеди.

Ахия 6:63

Жашау берген нюрдю; чарх бир файда этмейди. Мен сизге айтхан сёзле нюр эм жашаудула;

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 3:20

Ол себепден Законну буюргъанларын этиу бла, Аллахны аллында, бир адам да ариуланырыкъ тюйюлдю, нек десегиз гюнях Закон бла билинеди.

Римлилеге 4:15

Нек десегиз Закон Аллахны чамланыуун чыгъарады, алай а закон болмагъан жерде законну бузаргъа да амал жокъду.

Римлилеге 4:17

Китапда: «Мен сени кёп миллетлеге атагъа салгъанма», – деп жазылгъаны кибик, Ибрахим, ол ийнаннган Аллахны, ёлгенлеге жашау бериучю эмда болунмагъанланы болуннганланыча чакъырыучу Аллахны аллында бизни барыбызны да атабызды.

Римлилеге 7:6

Энди уа, биз ёлюп, алгъын бизни жесир этген Закондан эркин болгъанбыз, жазыл гъан жорукъла бла байланнган эски жа шауда тюйюл, Сыйлы Нюр берген жангы жашауда Аллахха къуллукъ этер ючюн За кондан азат болгъанбыз. Гюнях бла сермешиу

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

I Коринфлилеге 11:25

Аны кибик ушхууурдан сора аякъны да алып: «Бу аякъ Мени къаным бла бегитилген жангы кесаматды. Бу аякъдан ичген хар заманыгъызда, Мени эсигизге тюшюрюп ичигиз», – деп айтханды.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

I Коринфлилеге 3:10

Мен Аллахдан манга берилген шафауат бла, ангылаулу къурулушчу кибик, мурдор салгъанма, башхасы уа аны юсюнде ишлейди; алай а хар ким да къалай ишлегенине къарасын.

I Коринфлилеге 3:5

Кимди Пауул? Кимди Аполлос? Ала жаланда сиз аладан эшитип ийман салгъан къуллукъ этиучюледиле. Раббий хар бирибизге бир иш бергенди.

II Коринфлилеге 11:23

Масихни жумушчуларымыдыла? Акъылдан чыкъгъанча айтама! Мен а бегирек да. Мен кёбюрек да уруннганма, чексиз тюйюлгенме, кёп кере тюрмеде эм кёп кере ёлюмге къаршы болгъанма.

II Коринфлилеге 3:14

Алай а аланы акъыллары сокъур болгъанды. Нек десегиз бюгюннге дери да ала Эски Кесаматны окъугъан заманда, акъылларына ол жабыу жабылыпды; ол жабыуну уа Масих кетереди.

II Коринфлилеге 3:3

Сиз Масихни письмосу болгъаныгъызны кёргюзтесиз. Ол письмо уа бизни къуллукъ этиуюбюзню юсю бла шакъы бла угъай, жашау бериучю Аллахны Нюрю бла, таш гыйылагъа тюйюл, эт гыйылагъа, адамланы жюреклерине жазылгъанды.

II Коринфлилеге 3:7

Ташлагъа харфла бла жазылгъан, ёлюм келтирген къуллукъ Таурат, аллай бир аламат болуп, Мусаны бети жалан бир аз заманнга нюр жаннганы ючюн, Израиль улулары аны бетине къараялмагъан эселе,

II Коринфлилеге 3:9

Нек десегиз адамны айыбына тюбетиучю къуллукъ аламат эсе, сора аны ариулагъан къуллукъ а андан кёп да аламатды.

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Эфеслилеге 2:1

Терсликлеригиз бла эм гюняхларыгъыз бла ёлю болгъаныгъызлай, Аллах сизни тирилтгенди.

Эфеслилеге 2:5

Терсликлерибиз бла ёлю болгъаныбызлай, бизге Масих бла жашау бергенди. Сиз Аны шафауаты бла къутхарылгъансыз.

Эфеслилеге 3:7

Аллахны менде жюрюген кючю бла манга берген шафауатыны саугъасы бла мен ол Хайыр Хапарны жайыучу жумушчу болгъанма.

I Тимотейге 4:6

Къарындашлагъа быланы ангылатсанг, ийманны эм сен ызындан баргъан ахшы окъууну сёзлери бла ёсдюрюлюп, Масих Иссаны ахшы жумушчусу боллукъса.

II Тимотейге 1:11

Мен бу Хайыр Хапарны миллетлеге билдириучю абустол эм устаз болургъа сайланнганма.

Чюйютлелеге 12:24

Жангы кесаматны Келечиси Иссагъа эмда Абилни къанындан эсе игисин айтхан бюркюлген къаннга жууукълашхансыз.

Чюйютлелеге 13:20

Къойланы уллу Сюрюучюсю болгъан бизни Раббийибиз Масих Иссаны ёмюрлюк кесамат къаны бла ёлгенледен тиргизген, ырахатлыкъ бериучю Аллах а,

Чюйютлелеге 7:22

Исса алай бла эм иги кесаматны боюнуна алгъан Адам болуп къалгъанды.

Чюйютлелеге 8:13

«Жангы кесамат» деп айтып, биринчини эскилигин кёргюзтгенди; эскирген бла къартайгъан а жокъ этилирге жууукъду.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Ахия 1:1

Жашау Сёзню юсюнден, башындан башлап болгъанны, бизни эшитгенибизни, кеси кёзлерибиз бла кёргенибизни, къарагъаныбызны эм бизни къолларыбыз тийип сезгенни билдиребиз.