II Коринфлилеге 3:18 - Сыйлы Инжил бла Забур

¹⁸ Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 3:18 Iomraidhean Croise

Забур 84:7

Сени халкъынг Сени юсюнгден къууаныр ючюн, бизни жангыдан тирилтмей къалай къоярса?

Ахия 1:14

Сёз адам болуп толу шафауаты эм хакъ кертилиги бла, бизни бла жашагъанды; биз да Аны аламатлыгъын кёргенбиз, Атадан жангыз туугъанны аламатлыгъын.

Ахия 12:41

Муну Иешая Раббийни аламатлыгъын кёрген эм Аны юсюнден сёлешген заманында айтханды.

Ахия 17:22

Биз бирликли болгъаныбыз кибик, ала да бирликли болсунла деп, Сен Манга берген махтауну Мен алагъа бердим.

Ахия 17:24

Ата! Сен Манга берген адамла, Мен болгъан жерде Мени биргеме болуп, Сен Манга берген аламатлыгъымы кёрюрлерин сюеме; нек десенг дуния къуралырдан алгъа Мени сюйгенсе.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Римлилеге 8:29

Нек десегиз Кесини Уланы кёп къарындашланы арасында биринчи туугъан болур ючюн, Аллах кимлени алгъындан билген эсе, аланы Кесини Уланыны сыфатына ушатыргъа алгъындан белгили этгенди.

Римлилеге 8:4

Тауратны Законуну буйрукълары бизде, чархыбызны табийгъатына кёре тюйюл, Сыйлы Нюрге кёре жашагъанлада толур ючюн Ол алай этгенди.

Римлилеге 8:7

Нек десегиз гюняхлы табийгъатны ойлашыулары Аллахха къажаулукъду; Аллахны Законуна бойсунмайдыла, бойсуналлыкъ да тюйюлдюле.

I Коринфлилеге 13:12

Энди биз хар нени да мутхуз кюзгюде кёрген кибик кёребиз, ол заманда уа бетден-бетге кёрлюкбюз; энди мени билимим тамамлы тюйюлдю, ол заманда уа, мен билиннгеним кибик толу билликме.

I Коринфлилеге 15:49

Сора биз, жерден жаратылгъанны сыфатын жюрютгенибиз кибик, кёкден болгъанны сыфатын да жюрютюрюкбюз.

II Коринфлилеге 3:17

Раббий Нюрдю. Раббийни Нюрю къайда эсе, азатлыкъ да андады.

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 6:15

Нек десегиз Масих Иссада сюннетлиликни да, сюннетсизликни да магъанасы жокъду, жаланда магъаналы болгъан – жангыдан жаратылыуду.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

I Тимотейге 1:11

Бу затла алгъышлы Аллахны манга ышанып берилген махтаулу Хайыр Хапарына келишген затла тюйюлдюле.

Титге 3:5

Ол бизни, биз этген тюзлюклю ишле бла тюйюл, алай а Кесини мархаматы бла, Сыйлы Нюр бла жангыдан туудуруу эм жангыртыу хамам бла къутхаргъанды.

Якъуп 1:23

Нек десегиз ол сёзге тынгылагъан эм аны толтурмагъан адам кесини бет сыфатына кюзгюге къарагъан адамгъа ушайды:

I Ахия 3:2

Сюйюлюннгенле! Биз энди Аллахны сабийлерибиз, алай а не боллугъубуз алыкъа ачыкъ болмагъанды. Масих ачылгъан заманда Аны кибик боллугъубузну билебиз анса; нек десегиз Аны болгъаны кибик кёрлюкбюз.