II Коринфлилеге 3:17 - Сыйлы Инжил бла Забур

¹⁷ Раббий Нюрдю. Раббийни Нюрю къайда эсе, азатлыкъ да андады.

II Коринфлилеге 3:17 Iomraidhean Croise

Ахия 6:63

Жашау берген нюрдю; чарх бир файда этмейди. Мен сизге айтхан сёзле нюр эм жашаудула;

Ахия 8:32

Эм хакъ кертини билирсиз, хакъ керти уа сизни азат этер», – деди.

Римлилеге 8:2

Нек десегиз жашау берген Нюрню закону Масих Иссаны юсю бла мени гюняхны бла ёлюмню законундан азат этгенди.

I Коринфлилеге 15:45

Китапда: «Биринчи инсан Адам жашагъан жан болгъанды», – деп алай жазылгъанды; ахыргъы Адам а тиргизиучю нюрдю.

II Коринфлилеге 3:18

Биз а барыбыз да, кюзгюде кибик, ачыкъ бетли болуп, Раббийни аламатлыгъына къарап, Анга ушаш болур ючюн аламатлыкъны бир даражасындан бир даражасына тюрленебиз; бу да Раббийни Нюрюню юсю бла болады.

II Коринфлилеге 3:6

Ол бизни, жазылгъан жорукълагъа тюйюл, Сыйлы Нюрге таяннган Жангы Кесаматны къуллукъчулары болургъа жетишимли этгенди. Жазылгъан жорукъ ёлтюреди, Нюр а жашатады.

Галатиялылагъа 4:6

Сиз а уланлары болгъаныгъыз себепли, Аллах сизни жюреклеригизге: «Абба, Атам!», – деп къычыргъан Кесини Уланыны Нюрюн ийгенди.

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

II Тимотейге 1:7

Нек десенг Аллах бизге къоркъакълыкъны нюрюн тюйюл, алай а къудуретни эм сюймекликни эмда тыйгъылылыкъны нюрюн бергенди.