II Коринфлилеге 2:14 - Сыйлы Инжил бла Забур

¹⁴ Алай а, Аллахха шукур, Ол бизни хар заманда да Масихни хорламлы барыуунда жюрютеди эм Аны билиуню ариу ийисин бизни юсюбюз бла хар жерде да жаяды.

II Коринфлилеге 2:14 Iomraidhean Croise

Забур 148:14

Ол Кесини халкъыны мюйюзюн, Кесини битеу сыйлыларыны махтауун – Израильни уланларыны, Анга жууукъ болгъан халкъны махтауун – кётюргенди. Халелуя!

Ахия 16:33

Муну Мен сизге, сизни Менде жюрек ырахатлыгъыгъыз болсун деп айтханма. Бу дунияда азап чегериксиз; алай а таукел этигиз: Мен дунияны хорлагъанма!» – деди.

Римлилеге 1:8

Хар неден да алгъа, сизни ийнаныуугъуз битеу дунияда билдирилгени себепли, сизни барыгъыз ючюн Масих Иссаны юсю бла Аллахыма шукур этеме.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Римлилеге 6:17

Алай а сиз алгъын гюняхны къуллары болгъан эсегиз да, энди уа сиз кесигизни анга берген окъууну юйретиуюне таза жюрекден тынгылаучу болгъаныгъыз ючюн Аллахха шукур!

Римлилеге 8:37

Алай а бу болумланы барысын да бизни Сюйгенни кючю бла хорлайбыз.

I Коринфлилеге 12:8

Биреуге Нюрню юсю бла акъыл сёз бериледи, башхасына ол Нюрден билим сёз бериледи.

I Коринфлилеге 15:37

Сора сен сепген заманынгда, боллукъ чархны кесин тюйюл, не болсада, будай болсада, башха бюртюк болсада жалан бюртюгюн себесе.

I Коринфлилеге 15:57

Бизни Раббийибиз Масих Иссаны юсю бла бизге хорлау берген Аллахха шукур болсун!

II Коринфлилеге 1:11

Алай бла, кёп адамланы тилек этиулерини хайырындан, бизге берилген саугъа ючюн кёпле шукур этерикдиле.

II Коринфлилеге 8:16

Сизни ючюн алай кюрешиуню Титни жюрегине салгъан Аллахха шукур болсун!

II Коринфлилеге 9:15

Аны айтып болмазча саугъасы ючюн Аллахха шукур болсун!

Эфеслилеге 5:2

Масих, бизни сюйюп, Кесин бизни ючюн Аллахха саугъагъа эм ариу ийисли къурманнга бергени кибик, сиз да алай, сюймекликни жолунда жюрюгюз.

Эфеслилеге 5:20

Хар заманда хар зат ючюн да Раббийибиз Масих Иссаны аты бла Аллах Атагъа шукур этигиз.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

Колослулагъа 2:15

Башчыланы бла властьланы кючлерин сыйырып, аланы къачны юсюнде хорлап, барыны да аллында аланы бедишлик этгенди.

I Фесалоникачылагъа 1:8

Нек десегиз Раббийни сёзю сизден жаланда Македонияда бла Ахаяда жайылып къалмагъанды, алай а сизни Аллахха ийнаннганыгъызны хапары хар жерде да эшитилгенди, алай бла аны юсюнден бизни айтыргъа кереклибиз жокъду.

I Фесалоникачылагъа 3:9

Биз Аллахыбызны аллында сизни ючюн къууаннган битеу къууанчыбызны себебинден, сизни ючюн Аллахха къаллай шукур эталлыкъбыз?

I Тимотейге 2:8

Алай бла, эр кишиле хар жерде да, ачыуланыусуз эм ишеклениусюз таза жюреклилик бла къолларын ёрге тутуп тилек этерлерин сюеме.

II Тимотейге 2:2

Эм кёп шагъатланы къатында менден эшитгенинги башхаланы да юйретирге болаллыкъ ышаннгылы адамлагъа аманат эт.

Билим Ачханы 7:12

«Амин! Алгъыш да, махтау да, акъылманлыкъ да, шукур да, хурмет да, къудурет да, кюч да ёмюрледен ёмюрлеге да Аллахыбызныды! Амин», – дей эдиле.