II Коринфлилеге 2:13 - Сыйлы Инжил бла Забур

¹³ Алай болгъанлыкъгъа, къарындашым Титни анда тапмагъаным себепли, кёлюме ырахатлыкъ тапмагъан эдим, алай а, андагъыла бла саламлашып, Македониягъа кетген эдим.

II Коринфлилеге 2:13 Iomraidhean Croise

Марк 6:46

Эмда аланы ашырып, Кеси тилек этерге таугъа чыкъды.

Ишлери 21:6

Сора, бир-бирибиз бла саламлашып, биз кемеге миндик, ала уа юйлерине къайтдыла.

Римлилеге 15:26

Нек десегиз Македонияны бла Ахаяны жамауатлары Иерусалимде сыйлыланы арасында жарлылагъа бираз болушургъа къабыл кёргендиле.

II Коринфлилеге 12:18

Мен, Титден сизге барырын тилеп, аны биргесине да къарындашладан бирин ийген эдим. Тит сизни бир затыгъыздан хайырланнганмыды? Биз бирча нюр бла, бирча жол бла жюрюмегенми эдик?

II Коринфлилеге 7:13

Ол себепден сизни жапсарылыуугъуз бла биз да жапсарылгъанбыз. Андан да бег’а Титни къууаныуу бла къууаннганбыз; нек десегиз сиз барыгъыз да аны кёлюн ырахат этгенсиз.

II Коринфлилеге 7:14

Алай бла аны аллында сизни ючюн не бла махтаннган эсем да, айыплы болмагъанма; алай а, бизни сизге айтханларыбызны бары да тюз болгъанлары кибик, Титни аллында да бизни махтаныуубуз тюз болуп чыкъгъанды.

II Коринфлилеге 8:16

Сизни ючюн алай кюрешиуню Титни жюрегине салгъан Аллахха шукур болсун!

II Коринфлилеге 8:23

Тит а мени жолдашымды эмда сизни арагъызда къуллукъ этиучю нёгеримди, къарындашларыбыз а Масихни махтауу, жамауатланы келечилеридиле.

II Коринфлилеге 8:6

Ол себепден арагъызда бу хайырлы ишни башлагъан Титден аны бошарын тилеген эдик.

Галатиялылагъа 2:1

Артда, онтёрт жылдан сора, мен Барнаба бла Титни да биргеме алып, дагъыда Иерусалимге баргъан эдим.

Галатиялылагъа 2:3

Алай болгъанлыкъгъа ала мени биргеме болгъан Титге, ол грекли болсада, сюннет этдир деп къысмагъандыла.

II Тимотейге 4:10

Нек десенг Димас, эндиги ёмюрню сюйюп, мени къоюп, Фесалоникагъа кетгенди. Крескент Галатиягъа, Тит Далматиягъа кетгенди. Мени биргеме жангыз Лука къалгъанды.

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.