II Коринфлилеге 13:5 - Сыйлы Инжил бла Забур

⁵ Сиз иймандамысыз – кесигиз-кесигизни сынагъыз, кесигиз-кесигизни тинтип къарагъыз. Масих Иссаны сизде болгъанын сиз кесигиз билмеймисиз? Алай болмаса, сиз сыналыугъа чыдаялмай къалыр эдигиз.

II Коринфлилеге 13:5 Iomraidhean Croise

Забур 17:3

Раббий мени къаламды эм ышыгъымды, мени къутхарыучумду; мени Аллахым, мени къаямды, мен Анга ышанама; мени къоруулаучумду, мени къутхарыучу мюйюзюм эм мени бегиген жерим Олду.

Забур 26:2

Жауларым эмда душманларым болгъан аманлыкъчыла, мени этими ашап къояр ючюн манга чабыуул этселе да, ала кеслери абынып жыгъыллыкъдыла.

Ахия 14:23

Исса анга жууапха былай айтды: «Мени сюйген адам, Мени сёзюмю тутады; Мени Атам да аны сюерикди, Биз да анга келликбиз эмда анда мекям этерикбиз.

Ахия 15:4

Менде болуп туругъуз, Мен да сизде турайым. Бутакъ, терекде турмаса, кесикесинден кёгет бералмагъаны кибик, Менде болуп турмасагъыз, сиз да битимли болмазсыз.

Ахия 17:23

Мен алада, Сен да Менде болуп, ала толу бирликге жетсинле эмда Мени Сен ийгенинги эм Мени сюйгенинг кибик, аланы да сюйгенинги дуния билсин.

Ахия 17:26

Сен Мени сюйген сюймеклик алада болсун, Мен да алада болайым деп, Мен алагъа Сени атынгы билдирдим эм дагъыда билдирликме», – деди.

Ахия 6:56

Мени чархымы ашагъан эм Мени къанымы ичген Менде жашайды, Мен да – анда.

Ахия 6:6

Муну уа аны сынар ючюн айта эди; нек десегиз не этеригин Кеси биле эди.

Римлилеге 1:28

Ала Аллахны акъылларында тутаргъа жараулу кёрмегенлери себепли, Аллах аланы жараусуз ойлашыулагъа берип, тийишли болмагъан ишлени этерге бошлап къойгъанды.

Римлилеге 8:10

Масих сизде эсе уа, чархыгъыз гюнях амалтын ёлюдю, нюрюгюз а тюзлюклю болгъаныгъыз ючюн сауду.

I Коринфлилеге 11:28

Адам кесин сынасын эм ол халда бу ётмекден алай ашасын эм бу аякъдан алай ичсин.

I Коринфлилеге 11:31

Нек десегиз биз кеси-кесибизни сынасакъ эди, сора бизге сюд этилмез эди.

I Коринфлилеге 3:16

Сиз Аллахны юйю болгъаныгъызны эм Аллахны Нюрю сизде жашагъанын билмеймисиз?

I Коринфлилеге 6:15

Сизни чархларыгъыз Масихни санлары болгъанын билмеймисиз? Алай бла, Масихни санларын сыйырып, аланы саякъ тиширыугъа санламы этейим? Чыртда угъай!

I Коринфлилеге 6:19

Сизни чархларыгъыз, сиз Аллахдан алгъан, Ол сизде жашагъан Сыйлы Нюрню юйю болгъанын эмда сиз кесигизге ие болмагъаныгъызны билмеймисиз?

I Коринфлилеге 6:2

Сыйлыла бу дуниягъа сюд этериклерин билмеймисиз? Дуниягъа сюдню сиз этерик эсегиз, сора сиз магъанасы аз ишлеге сюд этерге тийишли къалай тюйюлсюз?

I Коринфлилеге 9:24

Стадионда чапханла бары да чабып, саугъа уа биреу алгъанын билмеймисиз? Сиз саугъа алырча чабыгъыз!

I Коринфлилеге 9:27

Алай а, башхалагъа ууаз берип, кесим а тийишлисиз къалмаз ючюн, чархымы бойсундурама эм къул этеме.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

Галатиялылагъа 2:20

Сора энди уа мен жашамайма, алай а менде Масих жашайды. Энди чархымда жашай эсем а, сора мени сюйюп, Кесин мени ючюн берген Аллахны Уланына ийнаныуум бла жашайма.

Галатиялылагъа 4:19

Сабийлерим, Масих сизни жашау халыгъызда кёрюннгюнчюге дери, мен сизни ючюн энтда жангыдан къозлау азапдама!

Галатиялылагъа 6:4

Хар ким кесини ишин сынасын, ол заманда аны махтауу башхада тюйюл, жаланда кесинде боллукъду.

Эфеслилеге 3:17

Ийманыгъыз бла Масих жюреклеригизде жашасын деп тилейме.

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:19

Аллай адам, чархны Башы – Масихни тутмайды; битеу чарх а жиклерини эм байламлыкъларыны болушлугъу бла ол Башдан кереклисин алып, бир-бирине бегип, Аллах берген ёсюм бла ёседи.

Колослулагъа 2:7

Масихде тамырланып эм бегинип эмда ийман бла кючленип, сиз юйреннгенигизча, Аллахха шукур этиу бла ийманда жетишимли болугъуз.

I Тимотейге 2:15

Алай болгъанлыкъгъа тиширыу оюмлулукъ бла ийманда, сюймекликде эмда сыйлылыкъда турса, Сабийни табыууну юсю бла къутхарыллыкъды.

II Тимотейге 3:8

Яннис бла Ямбрис Мусагъа къажау болгъанлары кибик, бу адамла да хакъ кертиге къажау турадыла. Аланы акъыллары бузукъ болгъанды, ала ийманда сыналыугъа чыдаялмагъанладыла.

Титге 1:13

Бу шагъатлыкъ тюздю. Ол себепли аланы къаты айыпла, ала ийманда тюз акъыллы болсунла,

Титге 1:16

Ала Аллахны билебиз деп айтадыла; ишлери бла уа Аны инкяр этедиле, жийиргенчли, бойсунмаучу эм бир тюрлю ахшы ишге жараусуз адамладыла.

Титге 2:2

Къарт кишиле тыйгъылы, тийишли, оюмлу, ийманда, сюймекликде, тёзюмде тюз акъыллыла болсунла.

Чюйютлелеге 12:15

Сакъ болугъуз, бир киши да Аллахны шафауатындан къуру къалмасын, бир тюрлю ачы тамыр чыгъып, заран этмесин эм кёплени харам этмесин.

Чюйютлелеге 4:1

Ол себепден, Аны берлик ырахатлыгъына кирирге энтда ант бла берилген сёзню кючю бар заманда, бизден биреу да андан къуру къалмаз ючюн сакъ болайыкъ.

Чюйютлелеге 6:8

Шинжиле бла бош хансла битдирген жер а жараусузду эм налат берилирге къаршыды, аны уа ахыры кюйдюрюлюудю.

Якъуп 4:4

Зийначыла бла хаулечиле! Бу дуния бла шуёхлукъ Аллахха къажау душманлыкъ болгъанын билмеймисиз? Алай бла бу дуниягъа шуёх болургъа сюйген адам Аллахха душман болады.

I Петер 5:9

Дуниядагъы къарындашларыгъыз да аллай азапла чекгенлерин билип, къаты ийнаныу бла ибилисге къажау туругъуз.

Билим Ачханы 2:5

Алай бла къайдан энишге жыгъылгъанынгы эсинге тюшюр, тобагъа къайтыш эм алгъын этген ишлеринги эт; алай болмаса уа, къысха заманда санга келликме эм, тобагъа къайтышмасанг, сени чырахтанынгы жеринден тайдырлыкъма.