II Коринфлилеге 13:4 - Сыйлы Инжил бла Забур

⁴ Нек десегиз Ол къарыусузлукъдан къачха керилген эсе да, энди Аллахны кючю бла сауду; аны кибик биз да Масихде къарыусуз эсек да, Аллахны кючю бла Аны бла бирге сизни ючюн сау жашарыкъбыз.

II Коринфлилеге 13:4 Iomraidhean Croise

Ахия 10:18

Жанымы Менден бир киши да сыйырмайды, алай а аны Мен Кесим береме; аны берирге эркинлигим барды эм дагъыда артха алыргъа эркинлигим да барды; бу фарызны Мен Атамдан алгъанма», – деди.

Ишлери 2:36

Алай бла битеу Израильни юйюрю, къаты билигиз, бу сиз къачха керген Иссаны, Аллах Бий эм Масих этгенди», – деп сёлешди.

Ишлери 3:16

Аны атына ийнаныуну хатырындан, бу сиз кёрген эм таныгъан адамны, Аны аты кючлендиргенди эм Аны юсю бла келген ийман, сизни барыгъызны аллыгъызда бу толу саулукъну анга бергенди.

Римлилеге 1:4

Эм Кесини кючю бла, сыйлы Нюрюне кёре, ёлгенледен тиргизилгенини юсю бла, Аллахны Уланы болгъаны ачыкъ болгъанды.

Римлилеге 14:9

Нек десегиз Масих, ёлгенлеге да, саулагъа да бийлик этер ючюн, ёлюп тиргизилгенди эм жангыдан сау болгъанды.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

I Коринфлилеге 1:25

Нек десегиз Аллахны «акъылсыз» деп айтылгъан заты адамланы акъылманлыкъларындан эсе уллуду, Аллахны «къарыусуз» деп айтылгъаны да адамладан эсе кючлюдю.

I Коринфлилеге 15:43

Ыспассыз болуп себиледи, аламат болуп тиргизиледи. Къарыусуз болуп себиледи, кючлю болуп тиргизиледи.

I Коринфлилеге 2:3

Эмда мен сизге къарыусузлукъ бла, къоркъуулукъ бла эмда уллу титиреулюк бла келген эдим.

I Коринфлилеге 6:14

Аллах Раббийни тиргизгенди, Кесини кючю бла бизни да тиргизирикди.

II Коринфлилеге 10:10

Нек десегиз биреу: «Жазып ийгенлеринде ол къатыды эм кючлюдю, кеси болгъан заманда уа къолайсызды эм аны сёзге усталыгъы да жокъду», – деп айтады.

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

II Коринфлилеге 13:9

Биз къарыусуз, сиз а кючлю болгъанда, биз къууанабыз эмда сиз тамамлы болур ючюн тилек этебиз.

Чюйютлелеге 5:7

Масих дуниядагъы жашаууну кюнлеринде ачы къычырыкъла бла эм жилямукъла бла Аны ёлюмден къутхараллыкъ Аллахдан дууа этип тилек этгенди эм Аллахха хурмет этгени ючюн Аны тилеги къабыл болгъанды.

I Петер 3:18

Нек десегиз Масих да, бизни Аллахха келтирир ючюн, бир кере бизни гюняхларыбыз ючюн азап чекгенди, Тюзлюклю тюзлюксюзле ючюн, чархы бла ёлтюрюлюп, нюрю бла уа тиргизилгенди.

I Петер 3:22

Масих Исса уа, кёкге чыгъып, Аллахны онг жанындады. Анга мёлекле да, властьла да, кючле да бойсуннгандыла.