II Коринфлилеге 12:6 - Сыйлы Инжил бла Забур

⁶ Алай а, махтаныргъа сюйсем да, акъылсыз боллукъ тюйюлме, нек десегиз тюзюн айтырыкъма. Алай болсада, бир киши да мени, кёргенинден неда эшитгенинден уллугъа санамаз ючюн, мен кесими тыйып турама.

II Коринфлилеге 12:6 Iomraidhean Croise

Римлилеге 9:1

Мен Масихни болуп, тюзюн айтама, ётюрюк айтмайма. Сыйлы Нюрню оноуунда болгъан мени жюрегим да айтханларым тюз болгъанына манга шагъатлыкъ этеди.

I Коринфлилеге 3:5

Кимди Пауул? Кимди Аполлос? Ала жаланда сиз аладан эшитип ийман салгъан къуллукъ этиучюледиле. Раббий хар бирибизге бир иш бергенди.

II Коринфлилеге 1:18

Аллахны ышаннгылылыгъыны хакъына айтама, бизни сёзюбюз сизге бирде «хау», бирде «угъай» болмагъанды.

II Коринфлилеге 11:16

Энтда айтайым: мени ким да акъылсызгъа санамасын; алай тюйюл эсе да, мен да бир кесек махтаныр ючюн, мени акъылсызны къабыл этгенча окъуна къабыл этигиз.

II Коринфлилеге 11:31

Раббийибиз Масих Иссаны Атасы ёмюрледе да алгъышлы Аллах биледи мени ётюрюк айтмагъанымы.

II Коринфлилеге 12:11

Мен, махтана кетип, акъылсызлыкъгъа жетдим: муну сиз этдиргенсиз манга. Кертиси да мени сиз махтаргъа керек эдигиз; нек десегиз кесим сансыз адам болгъанлыкъгъа, ол «уллу абустолланы» къатында мени бир затдан да кемлигим жокъду.

II Коринфлилеге 12:7

Эмда мен эсепсиз уллу билим ачылыула бла ёхтемленмез ючюн, манга чархымда уу тиш – мени къыйнаргъа шайтанны мёлеги – берилгенди.

II Коринфлилеге 5:13

Акъылыбыздан чыкъгъан эсек, бу Аллах ючюндю; акъылыбыз башыбызда эсе, бу сизни ючюндю.

II Коринфлилеге 7:14

Алай бла аны аллында сизни ючюн не бла махтаннган эсем да, айыплы болмагъанма; алай а, бизни сизге айтханларыбызны бары да тюз болгъанлары кибик, Титни аллында да бизни махтаныуубуз тюз болуп чыкъгъанды.