II Коринфлилеге 12:20 - Сыйлы Инжил бла Забур

²⁰ Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

II Коринфлилеге 12:20 Iomraidhean Croise

Забур 41:7

Мени жаным мени ичимде мудах болады; ол себепден Иорданны жеринден, Хермон таудан, Мисар таудан мен Сени эсиме тюшюреме.

Римлилеге 1:29

Алай бла ала хар тюрлю терсликден: саякълыкъдан, хыйлачылыкъдан, жутлукъдан, огъурсузлукъдан толгъандыла; зарлыкъдан, мурдарлыкъдан, къаугъадан, алдаудан, аман ниетден толудула.

Римлилеге 1:30

Аман сёзлю, тилчи, Аллахны кёрюп болмаучу, жюрек къыйнаучу, ёхтем, кеслерин махтаучу, аманлыкъгъа уста, ата-анагъа тынгыламаучу,

Римлилеге 2:8

Эгоистлеге эм хакъ кертиге боюн салмай, ётюрюкге кеслерин бергенлеге уа ачыу эм чамланыу берир.

I Коринфлилеге 1:11

Нек десегиз, къарындашларым, сизни арагъызда даулашыула болгъаны, Хлойну юйдегилеринден манга билдирилгенди.

I Коринфлилеге 14:33

Нек десегиз Аллах низамсызлыкъны тюйюл, жарашыулукъну Аллахыды. Сыйлыланы битеу жамауатларында алай болады.

I Коринфлилеге 5:2

Сиз а ёхтемленнгенсиз! Андан эсе жилясагъыз иги эди. Аллай ишни этген адам арагъыздан къысталсын.

II Коринфлилеге 1:23

Аллахны жаныма шагъат этеме, мен эндиге дери Коринфге сизни аяп келмей тургъаныма.

II Коринфлилеге 10:2

Мен сизге келсем, бизни адам табийгъатларына кёре жашагъанлагъа санагъан бир къауумлагъа, таукеллик бла къатылыкъ этерге этген ниетими этдирмегиз деп, сизден тилейме.

II Коринфлилеге 10:6

Сизни Масиххе бойсунууугъуз толу болгъан заманда, хар тюрлю бойсунмаулукъну айыбына тюбетирге хазырбыз.

II Коринфлилеге 12:21

Энтда келген заманымда, мени Аллахым мени, сизни аллыгъызда ыйлыкъдырыр эм алгъын гюнях этип, этген харамлыкъларындан, саякълыкъларындан, адепсизликлеринден тобагъа къайтышмагъан кёп адам ючюн мен жиляу этерме деп къоркъама.

II Коринфлилеге 13:2

Мен сизге алгъындан айтханма эм энтда алгъындан, сизде экинчи кере болгъанымдача айтама, энди уа кесим сизде болмай, алгъын гюнях этгенлеге эм битеу къалгъанлагъа жазама, энди сизге келсем, бир кишини аярыкъ тюйюлме.

II Коринфлилеге 2:1

Алай бла мен кеси-кесимден энди сизге жаныгъызны къыйнау бла келмезге оюм этгенме.

Галатиялылагъа 5:15

Сиз бир-биригизни къаба эм ашай эсегиз а, сора сиз бир-биригизни жокъ этмез ючюн сакъ болугъуз.

Галатиялылагъа 5:26

Уллу кёллюлюк этмейик, бир-бирибизни къанын бузмайыкъ, бир-бирибизге зарланмайыкъ.

Якъуп 4:11

Къарындашла, бир-биригизни аманламагъыз. Къарындашын аманлагъан неда къарындашын терслеген адам Тауратны аманлайды эм Тауратны терслейди. Сен Тауратны терслей эсенг а, сора сен Тауратны толтуруучу тюйюлсе, анга сюдюсе.

I Петер 2:1

Алай бла хар аманлыкъны, хар хыйлачылыкъны, эки бетлиликни, зарлыкъны, хар тюрлю аман айтыуну къоюп,

II Петер 2:18

Нек десегиз ала махтанчакълыкъ бла бош сёзле айтып, ажашыуда тургъанладан кючден къутулгъанланы гюняхлы табийгъатларыны кюсеулери бла саякълыкъгъа тутадыла;

Яхуда 1:16

Ала тарыгъып туруучуладыла, бир затха да онгсунмаучула, кеслерини талпыгъанларын этиучюледиле; аланы ауузлары махтанчакъ сёзле айтадыла; ала кеслерине файда тюшюрюр ючюн кёзбаулукъ этедиле.