II Коринфлилеге 12:19 - Сыйлы Инжил бла Забур

¹⁹ Алыкъа биз жаланда сизни аллыгъызда кесибизни ариулагъанмы сунасыз? Биз муну, Масихникиле болуп, Аллахны аллында айтабыз. Была бары да, сюйюлюннгенле, сиз ийманда кючленир ючюндюле.

II Коринфлилеге 12:19 Iomraidhean Croise

Римлилеге 12:19

Кесигиз ючюн дерт жетдирмегиз, сюйюлюннгенле, алай а муну Аллахны чамланыууна бошлап къоюгъуз. Нек десегиз Китапда: «Дерт жетдириу Мениди, Мен тийишлисин берирме, – дейди Раббий», – деп жазылгъанды.

Римлилеге 14:19

Алай бла жарашыулукъ келтирген эм бир-бирибизни нюр бла кючлендириуге жарагъан затланы излейик.

Римлилеге 15:2

Бизни хар бирибиз да, жууугъун нюр бла бегимли этер ючюн, анга игилик болсун деп, жууугъуну кёлюне жараргъа керекди.

Римлилеге 9:1

Мен Масихни болуп, тюзюн айтама, ётюрюк айтмайма. Сыйлы Нюрню оноуунда болгъан мени жюрегим да айтханларым тюз болгъанына манга шагъатлыкъ этеди.

I Коринфлилеге 10:14

Алай бла, сюйюлюннгенлерим, идоллагъа табыныудан къачыгъыз.

I Коринфлилеге 10:33

Мен да кесиме хайырны тюйюл, алай а ала къутхарылыр ючюн кёплеге хайырны излеп, хар зат бла да барысыны да кёллерине жетерге кюрешеме.

I Коринфлилеге 14:26

Сора не, къарындашла? Сизни жыйылгъан заманыгъызда, сизни хар биригизде да зикир барды, юйретиу барды, тил барды, билим ачылыу барды, тилни ангылатыу барды. Была бары да жамауатны нюр жанындан ёсдюрюр ючюн болсунла.

II Коринфлилеге 10:8

Раббий бизге сизни бузаргъа тюйюл, къураргъа берген эркинлик бла, мен андан да бек махтансам да, айыплы боллукъ тюйюл эдим.

II Коринфлилеге 11:10

Масихни менде болгъан тюзлюгю бла айтайым, Ахаяны жерлеринде бу махтау менден сыйырыллыкъ тюйюлдю.

II Коринфлилеге 11:31

Раббийибиз Масих Иссаны Атасы ёмюрледе да алгъышлы Аллах биледи мени ётюрюк айтмагъанымы.

II Коринфлилеге 12:15

Мен сизни жаныгъыз ючюн кеси затымы ыразы болуп жоярыкъма эм кесими аздырлыкъма. Сизни чексиз бек сюйгенимлей, сиз мени аз сюерге къалай болалырсыз?

II Коринфлилеге 13:10

Кесим сизни арагъызда болмай муну жазгъаным а, келген заманымда, Раббий манга бузаргъа тюйюл, къураргъа берген эркинлигим бла къатылыкъ этмез ючюндю.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 3:1

Биз жангыдан кесибизни махтаргъамы башлайбыз? Огъесе биз, бир къауумлача, сизге неда сизден къабыл кёрген письмола иергеми керекбиз?

II Коринфлилеге 7:1

Алай бла, сюйюлюннгенле, Аллахны бизде аллай ант сёзлери болгъаны себепли, чархыбызны неда нюрюбюзню харам этген хар бир затдан кесибизни тазалайыкъ эмда Аллахдан къоркъуу бла толусунлай Аллахха берилейик.

I Фесалоникачылагъа 5:11

Ол себепден, сиз этгенигиз кибик, бирбиригизни жапсарыгъыз эм нюр жанындан бегимли этигиз.

Чюйютлелеге 6:9

Алай а сюйюлюннгенле, былай айта эсек да, сиз андан игирек халда болгъаныгъызгъа эм къутхарылыуну тутханыгъызгъа толу ийнанабыз.