II Коринфлилеге 12:15 - Сыйлы Инжил бла Забур

¹⁵ Мен сизни жаныгъыз ючюн кеси затымы ыразы болуп жоярыкъма эм кесими аздырлыкъма. Сизни чексиз бек сюйгенимлей, сиз мени аз сюерге къалай болалырсыз?

II Коринфлилеге 12:15 Iomraidhean Croise

Римлилеге 9:3

Мени туугъан къарындашларым ючюн – мени бла бир тукъумлу болгъан Израильлиле ючюн – мен кесим, налат болуп, Масихден къысталыргъа сюер эдим.

II Коринфлилеге 1:14

Алай бла, бизни Раббийибиз Масих Иссаны кюнюнде биз сизни бла махтаннган кибик, сиз да бизни бла махтанырсыз.

II Коринфлилеге 1:6

Биз къыйынлыкъ сынай эсек да, сиз жапсарылыр эм къутхарылыр ючюн сынайбыз. Къутхарылыуугъуз а биз тёзген къыйналыуланы кётюргенигиз бла болады.

II Коринфлилеге 11:11

Алай нек этеме? Сизни сюймегенимденми? Сизни къалай сюйгеними Аллах биледи!

II Коринфлилеге 12:14

Ма, мен сизге ючюнчю кере барыргъа хазырма, сизге жюк боллукъ да тюйюлме; нек десегиз мен сизни затыгъызны излемейме, сизни излейме. Сабийле ата-аналарына тюйюл, ата-анала сабийлерине мюлк жыяргъа борчлудула.

II Коринфлилеге 12:9

Алай а Раббий манга: «Санга Мени шафауатым тамамды; нек десенг Мени кючюм къарыусузлукъда толу болады», – деп айтханды. Алай бла, Масихни кючю менде турур ючюн, мен бегирек да сюйюп къарыусузлукъларым бла махтанырыкъма.

II Коринфлилеге 2:3

Келгенимде, мени къууандырыргъа керек болгъан адамладан жаным къыйналмаз ючюн, мени жазгъаным ма ол эди. Мени къууанчым сизни барыгъызгъа да къууанч болгъанына ийнанып, сизни барыгъызгъа да ышанама.

II Коринфлилеге 4:12

Мынга кёре, бизде ёлюм, сизде уа жашау жюрюйдю.

II Коринфлилеге 7:2

Жюреклеригизде бизге жер беригиз. Биз биреуню да инжитмегенбиз, биреуге да заран этмегенбиз, биреуню да къыйынын ашамагъанбыз.

II Коринфлилеге 7:3

Муну сизге айып салыр ючюн айтмайма; нек десегиз мен сизге алгъын, сиз бизни жюреклерибиздесиз, алай бла сизни бла бирге ёлюрге да, жашаргъа да хазырбыз деген эдим.

Галатиялылагъа 4:10

Белгили кюнлеге, айлагъа, кезиулеге эм жыллагъа уллу магъана бересиз!

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

I Фесалоникачылагъа 2:8

Алай бла биз, сизге кёл салыуубуздан, сизге Аллахны Хайыр Хапарын бергенибиз бла да къалмай, алай а жанларыбызны да берирге ыразы эдик, нек десегиз сиз бизге сюйюмлю болгъан эдигиз.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

Чюйютлелеге 13:17

Жамауатларыгъызны оноучуларына бойсунугъуз эм айтханларын этигиз; нек десегиз ала сизни ючюн жууап берирге борчлулача тохтаусуз сизни жанларыгъызны къайгъысын этип турадыла. Ала къуллукъларын, ахтынып этмей, къууанып этсинле; нек десегиз, аны ахтынып этселе, сизге файда болмаз.