II Коринфлилеге 12:10 - Сыйлы Инжил бла Забур

¹⁰ Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

II Коринфлилеге 12:10 Iomraidhean Croise

Лука 6:22

Адам Улу ючюн сизни адамла кёрюп болмагъан заманда, сизни (жамауатдан) къыстагъан, сёкген эм сизни атыгъызны аманнга чыгъаргъан заманда сиз насыплысыз.

Ахия 15:21

Алай а быланы барын да Мени атым ючюн сизге этерикдиле, нек десегиз Мени Ийгенни танымайдыла.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

I Коринфлилеге 4:10

Биз Масих ючюн акъылсызбыз, сиз а Масихде акъыллысыз. Биз къарыусузбуз, сиз а кючлюсюз. Сиз махтаудасыз, биз а сансызлыкъдабыз.

II Коринфлилеге 1:4

Аллах бизни кесибизни жапсаргъан жапсарыу бла биз хар тюрлю къыйынлыкъда болгъанланы жапсарыргъа болалыр ючюн, Аллах бизни хар тюрлю къыйынлыгъыбызда да жапсарады.

II Коринфлилеге 10:18

Нек десегиз махтау тийишли, кеси-кесин махтагъан адам тюйюлдю, алай а Раббий кимни махтай эсе олду.

II Коринфлилеге 12:9

Алай а Раббий манга: «Санга Мени шафауатым тамамды; нек десенг Мени кючюм къарыусузлукъда толу болады», – деп айтханды. Алай бла, Масихни кючю менде турур ючюн, мен бегирек да сюйюп къарыусузлукъларым бла махтанырыкъма.

II Коринфлилеге 13:4

Нек десегиз Ол къарыусузлукъдан къачха керилген эсе да, энди Аллахны кючю бла сауду; аны кибик биз да Масихде къарыусуз эсек да, Аллахны кючю бла Аны бла бирге сизни ючюн сау жашарыкъбыз.

II Коринфлилеге 13:9

Биз къарыусуз, сиз а кючлю болгъанда, биз къууанабыз эмда сиз тамамлы болур ючюн тилек этебиз.

II Коринфлилеге 4:17

Нек десегиз бизни бир кесек заманнга азчыкъ къыйналгъаныбыз бизге мардасыз кёп ёмюрлюк махтау чыгъарады.

II Коринфлилеге 4:5

Биз кесибизни юсюбюзден билдирмейбиз, алай а Масих Иссаны Раббий болгъанын билдиребиз; биз а Исса ючюн сизни къулларыгъызбыз.

II Коринфлилеге 5:15

Жашагъанла энди кеслери ючюн жашамай, алай а ала ючюн ёлген эм тиргизилген Масих ючюн жашасынла деп, Масих битеу адамла ючюн ёлгенди.

II Коринфлилеге 5:20

Ол себепден биз Масихни аты бла келечилебиз, Аллах Кеси буйругъун бизни юсюбюз бла айтып ангылатхан кибик ангылатады. Масихни аты бла тилейбиз: Аллах бла жарашыгъыз.

II Коринфлилеге 6:4

Алай а Аллахха къуллукъ этиучюлеча уллу тёзюмлюлюк бла, къыйынлыкълада, кереклиликледе, тарлыкъ халлада,

II Коринфлилеге 7:4

Мен сизге бек ышанама, сизни бла кёп махтанама. Мени жюрегим бек жапсарылгъанды. Бизни битеу бу къыйынлыкъларыбыз болгъанлай да, къууанчдан толума.

Эфеслилеге 6:10

Ахырында, къарындашларым, Раббий бла эм Аны къудуретини кючю бла къарыуланыгъыз.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

II Фесалоникачылагъа 1:4

Алай бла, биз кесибиз Аллахны жамауатларында сизни бла махтанабыз, сиз сынагъан битеу зулмулукълада эм къайгъылада сизни тёзюмюгюз бла эм ийманыгъыз бла махтанабыз.

II Тимотейге 3:11

Сынагъан зулмулукъларымы эм къыйынлыкъларымы, Антиохияда, Иконияда, Листрада башыма келген къыйынлыкъланы кёрюп тургъанса. Мен къаллай зулмулукъла сынагъан эсем да, Раббий мени аланы барындан да къутхаргъанды.

Якъуп 1:2

Къарындашларым, тюрлю сыналыулагъа тюшген заманыгъызда, аны уллу къууанч бла къабыл этигиз.

Билим Ачханы 2:3

Сен кёпню сынагъанса, тёзюмюнг да барды эм Мени атым ючюн уруннганса, болалмай да къалмагъанса.