II Коринфлилеге 11:4 - Сыйлы Инжил бла Забур

⁴ Нек десегиз ким болсада биреу, сизге келип, биз сизге билдирмеген башха Иссаны билдирип башласа, неда сиз алгъын алмагъан башха нюр алсагъыз неда сиз къабыл этмеген башха хайыр хапарны къабыл этсегиз, сиз анга бек иги тёзесиз.

II Коринфлилеге 11:4 Iomraidhean Croise

Марк 7:9

Дагъыда алагъа: «Сиз, кесигизни адетигизни тутар ючюн, Аллахны фарызын бузууда бек жетишимли болгъансыз!

Ишлери 4:12

Нек десегиз кёкню тюбюнде адамлагъа берилген атланы арасында бизни къутхараллыкъ башха ат жокъду», – деди.

Римлилеге 8:15

Нек десегиз энтда къоркъуп жашарча сиз къул болур нюрню алмагъансыз, алай а уланлыкъны Нюрюн алгъансыз. Ол Нюр бла уа: «Абба, Ата!» – деп чакъырабыз.

I Коринфлилеге 3:11

Нек десегиз бир киши да салыннган мурдордан, алай демеклик Масих Иссадан башха мурдор салаллыкъ тюйюлдю.

II Коринфлилеге 11:1

Эй, сиз мени акъылсызлыгъыма бир кесек тёзсегиз эди уа! Алай а сиз манга тёзген да этесиз!

II Коринфлилеге 2:12

Масихни юсюнден Хайыр Хапарны жаяргъа мен Троадагъа келгенимде, Раббий манга эшик ачхан эди.

Галатиялылагъа 3:2

Сизден жаланда муну билирге сюеме: сиз Сыйлы Нюрню Тауратны фарызларын тутууугъуз бламы, огъесе Хайыр Хапарны эшитип анга ийнаныуугъуз бламы алгъансыз?

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

I Тимотейге 2:5

Нек десегиз Аллах бирди, Аллахны бла адамланы арасында келечи да бирди, Ол а Адам Масих Иссады.