II Коринфлилеге 11:3 - Сыйлы Инжил бла Забур

³ Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 11:3 Iomraidhean Croise

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Римлилеге 12:8

Насийхатчы эсе, насийхат берсин; юлешиучю эсе, чомартлыкъ бла юлешсин; башчы эсе, кёл салып башчылыкъ этсин; мархамат этиу фахмусу болгъан муну жарыкъ кёллюлюк бла этсин.

II Коринфлилеге 1:12

Нек десегиз дунияда, бегирек да сизни арагъызда, биз адам акъылманлыкъ бла тюйюл, Аллахны шафауаты бла, Аллахдан келген тюз жюреклилик бла эм ачыкъ кёллюлюк бла жашагъаныбызгъа бизни жюрегибиз шагъатлыкъ этеди. Эмда муну бла махтанабыз.

II Коринфлилеге 11:20

Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

II Коринфлилеге 11:29

Ким къарыусуз болады, аны бла мен да къарыусуз болмагъан? Ким териледи, аны ючюн мен жанмагъан?

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

Галатиялылагъа 1:6

Масихни шафауаты бла сизни чакъыргъан Аллахдан сиз алай терк башха хайыр хапаргъа ётгенигизге сейирсинеме.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 3:1

Эй ангылаусуз Галатиялыла! Масих Исса сизни кёзлеригизни аллында къачха керилген халда суратланнганлай да, сиз хакъ кертиге боюн салмазгъа сизге ким хыйны этгенди?

Галатиялылагъа 4:11

Мен сизде бошму уруннганма деп, сизни ючюн къоркъама.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Эфеслилеге 4:22

Алай бла, алдаулу кюсеуледен чирий тургъан эски адамлыгъыгъызны алгъыннгы жашау халын къоюгъуз,

Эфеслилеге 6:24

Аллахны шафауаты бизни Раббийибиз Масих Иссаны таймай сюйгенлени барысы бла да болсун. Амин.

Колослулагъа 2:18

Бир киши да кеси аллына сабыр акъыллылыкъ этиую бла эм мёлеклеге табыныуу бла, зауукъланып, кесини кёрген кёрюнюулерине ышанып эмда кесини табийгъат акъылы бла керексиз ёхтемленип, сизни терилтип, аллыкъ саугъагъыздан къуру къалдырмасын.

Колослулагъа 2:4

Мен муну сизге, бир киши да сизни алдау сёзле бла терилтмесин деп айтама.

Колослулагъа 2:8

Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

I Фесалоникачылагъа 3:5

Ол себепден мен да, андан кёп тёзмей, терилтиучю сизни терилтип, бизни урунууубуз файдасыз болупму къалды деп, ийманыгъыздан хапар билир ючюн Тимотейни ийген эдим.

I Тимотейге 1:3

Македониягъа кете туруп, мен сенден тилегенимча энтда да тилейме: Эфесде къал эмда жалгъан окъуула жайгъан адамланы тый. Ала бош таурухла бла эм ахыры болмагъан генеалогияла бла кюрешмесинле деп буюр.

I Тимотейге 2:14

Эмда Адам сукъланып алданмагъанды, алай а тиширыу, сукъланып алданып, терсликге тюшгенди.

II Тимотейге 3:13

Огъурсуз адамла бла терсине юйретиучюле уа ажашдыра эм ажаша, амандан аман бола барлыкъдыла.

Титге 1:10

Нек десенг боюн салмагъанла да кёпдюле, бош сёзлюле эм ётюрюкчюле, бегирек да сюннетлиледен.

Чюйютлелеге 13:9

Тюрлю къужур окъуулагъа кесигизни бермегиз. Нек десегиз жюреклеригизни Аллахны шафауаты бла кючлендирмеклик игиди, энчи ашарыкъла бла тюйюл, алагъа ышаннганла аладан хайыр алмагъандыла.

II Петер 3:17

Ол себепден, сюйюлюннгенле сиз, быланы алгъындан билип, жорукъну тутмагъанланы ажашыуларыны ызындан бармаз ючюн эмда бегимли болгъаныгъыздан таймаз ючюн сакъ болугъуз.

II Петер 3:3

Неден да алгъа сиз билигиз, ахыр кюнледе кеслерини кюсеулерини ызындан баргъан хыликкя этиучюле чыгъарыкъдыла.

I Ахия 2:18

Балала! Ахыргъы заманды. Эмда Масиххе къаршчы келликди деп, сиз эшитгенигиз кибик, энди уа Масиххе къаршчыла кёп чыкъгъандыла. Ахыргъы заман болгъанын а биз андан билебиз.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Билим Ачханы 12:15

Сора жилян, къатынны суу бла алып кетер ючюн, кесини ауузундан сууну, баргъан сууча, къатынны ызындан жиберди.

Билим Ачханы 12:9

Сора ибилис эм шайтан аталгъан уллу аждагъан, битеу дунияны алдатыучу буруннгу жилян жер юсюне атылды, аны мёлеклери да аны бла бирге атылдыла.

Билим Ачханы 20:2

Ол ибилис эм шайтан болгъан аждагъанны, буруннгулу жилянны тутуп, аны минг жылгъа бугъоулады.