II Коринфлилеге 11:26 - Сыйлы Инжил бла Забур

²⁶ Кёп кере жолоучулукъ этгенме. Баргъан суулада къоркъуулукълагъа, аманлыкъчыладан къоркъуулукълагъа, кеси миллетимден къоркъуулукълагъа, башха миллетлиледен къоркъуулукълагъа, шахарда къоркъуулукълагъа, къум тюзде къоркъуулукълагъа, тенгизде къоркъуулукълагъа, жалгъан къарындашланы араларында къоркъуулукълагъа тюбегенме.

II Коринфлилеге 11:26 Iomraidhean Croise

Ишлери 13:45

Алай а иудейлиле, халкъны кёргенде, зарлыкъдан толуп, Пауул айтхан сёзле бла келишмей, къажау туруп, анга аман айта эдиле.

Ишлери 13:50

Иудейлиле уа, Аллахха табыннган асыл тиширыуланы бла шахарны биринчи адамларын къозутуп, Пауулгъа бла Барнабагъа зорлукъ этип, аланы кеси тийрелеринден къыстадыла.

Ишлери 14:19

Антиохиядан бла Икониядан бир къауум иудейлиле келип, абустолла таукел сёлешген заманда: «Ала бир керти зат айтмайдыла, айтханлары бары да ётюрюкдю», – деп халкъны ийнандырып абустолладан айырдыла. Сора халкъны къозутуп, Пауулну ташла бла тюйдюрдюле эмда, ёлген сунуп, шахардан тышына чыгъарып атдыла.

Ишлери 14:5

Иудейлиле эмда башха миллетлиле кеслерини башчылары бла бирге, Пауулну бла Барнабаны айыплы этип, аланы ташла бла тюйюп ёлтюрюрге мыллык атхан заманда,

Ишлери 15:40

Пауул а, кесине нёгерге Силаны сайлап, къарындашла аны Аллахны шафауатына аманат этгенден сора жолгъа чыкъды

Ишлери 17:13

Фесалоникалы иудейлиле уа, Аллахны сёзюн Пауул Берияда да жайгъанын билгенлеринде уа ары да келип халкъны къозутуп къозгъадыла.

Ишлери 17:5

Ийнанмагъан иудейлиле уа, зарланып, базар майдандан бир къауум жараусуз адамланы кеслери жанлы этип, жыйын болуп шахарны къозгъадыла эм, Ясонну юйюне чабыуул этип, Пауулну бла Силаны халкъны аллына чыгъарыргъа изледиле.

Ишлери 18:12

Ол кезиуде, Галлионну Ахаяда проконсул заманында, иудейлиле Пауулгъа бирча чабып, аны тутуп сюдню аллына келтирдиле

Ишлери 19:1

Аполлос Коринфде тургъан заманда, Пауул, огъаргъы къыраллада айланып, Эфесге келди эм анда бир къауум сохтала табып,

Ишлери 19:23

Ол заманда Раббийни жолуна къажау уллу къозгъалыу чыкъды.

Ишлери 20:19

Иудейлилени аман ниетлери бла манга сынатхан къыйынлыкъларыны арасында мен уллу сабыр акъыллылыкъ бла эм кёп жилямукъла бла Раббийге къуллукъ этгенме.

Ишлери 20:3

Анда ол юч ай турду. Суриягъа кеме бла кетер заманында, иудейлиле анга къажау аман ниет этгенлери себепли, ол Македонияны юсю бла къайтыргъа мурат этди.

Ишлери 23:10

Даулаш уллугъа кетгенде уа, аскер башчы, ала Пауулну талайдыла деп къоркъуп, аны, тюшюп аланы араларындан алып, къалагъа элтирге аскерчилеге буйрукъ берди.

Ишлери 25:3

Фестден, аланы ыразы этерин излеп, Пауулну Иерусалимге келтиртирин тиледиле. Нек десегиз бугъуп аны аллын сакълап, аны жолда ёлтюрюрге къаст эте эдиле.

Ишлери 27:42

Тутмакъладан бири да жюзюп къачмаз ючюн, аскерчиле аланы ёлтюрюрге оноулашхан эдиле.

Римлилеге 15:19

Алай бла, мен, Иерусалимден башлап Иллириягъа дери айланып, Масихни Хайыр Хапарын хар жерде жайгъанма.

Римлилеге 8:35

Аллахны сюймеклигинден бизни ким айырлыкъды: къайгъымы, неда тарлыкъмы, неда зулмулукъму, неда ачлыкъмы, неда жаланнгачлыкъмы, неда къоркъуулукъму, неда къылычмы?

I Коринфлилеге 15:30

Биз да хар сагъатдан кесибизни къоркъуугъа не ючюн салабыз?

I Коринфлилеге 15:32

Адам ойлашыугъа кёре, Эфесде жыртыучу жаныуарла бла кюрешгеними манга не файдасы бар эди? Ёлгенле тиргизилмей эселе, ашап-ичип башлайыкъ, нек десегиз тамбла ёллюкбюз!

II Коринфлилеге 11:32

Дамаскда Арета патчахны область таматасы, мени тутар ючюн, Дамаск шахарны сакълагъанды. Мен а четенни ичинде терезе бла шахарны къабыргъасындан энишге тюшюрюлюп, алай бла аны къолуна тюшмей къутулгъанма.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.