II Коринфлилеге 11:20 - Сыйлы Инжил бла Забур

²⁰ Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

II Коринфлилеге 11:20 Iomraidhean Croise

Марк 12:40

Ала башсыз къатынланы юйлерин ашайдыла, кёзбаугъа узун тилек этедиле. Бегирек да уллу терслик аллыкъдыла», – деди.

Лука 6:29

Сени бир жаягъынга ургъаннга экинчисин да буруп тут, сени тыш кийиминги сыйыргъаннга кёлегинги алыргъа да чырмау этме.

I Коринфлилеге 4:11

Эндиге дери окъуна ачлыкъгъа эм суусаплыкъгъа, жаланнгачлыкъгъа эм тюйюлюуге тёзебиз, бир жерде да тынчаймай айланабыз

II Коринфлилеге 1:24

Бу уа сизни ийманыгъыз бизни оноуубузда болур ючюн кюрешгенден тюйюлдю; алай а, сиз къууаныр ючюн, биз сизни бла бирге ишлеучю нёгерлебиз. Нек десегиз сиз ийманда къаты турасыз.

II Коринфлилеге 10:5

Эмда Аллахны билиуге ёхтемлик бла къажау тургъан хар тыйгъычны къоратабыз эм хар тюрлю ойлашыуну Масиххе бойсундуруп жесир этебиз.

II Коринфлилеге 11:3

Алай а, жилян кесини хыйлачылыгъы бла Хауаны терилтгени кибик, сизни да акъылларыгъыз, Масиххе тюз ниетлиликден тайып, бузулурла деп къоркъама.

II Коринфлилеге 12:16

Сёз ючюн мен кесим сизге жюк болмагъанма, алай а, хыйлачы болуп, сизни хыйлалыкъ бла алдагъанма деп айтайыкъ.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 4:25

Ол себепден, Хажар Аравияда Синай тауну магъанасын кёргюзтеди эм эндиги Иерусалимге ушашды; нек десегиз ол кесини сабийлери бла къул болупду.

Галатиялылагъа 4:3

Биз да аны кибик, «сабийликде» болгъан заманыбызда, бу дунияны башланнгыч жорукъларына бойсунуп тургъанбыз.

Галатиялылагъа 4:9

Энди уа, сиз Аллахны билесиз неда тюзюн айтханда, Аллах сизни биледи. Алай эсе дагъыда ол къарыусуз эм файдасыз башланнгыч жорукълагъа не ючюн къайтасыз? Кесигизни энтда жангыдан алагъа къул этергеми сюесиз?

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 5:10

Мен сизни юсюгюзден, сиз башха тюрлю ойлашмазсыз деп, Раббийге базынып турама; сизни жунчутхан а, ол ким болсада, кесини айыбына тюберикди.

Галатиялылагъа 6:12

Адам табийгъатлары бла махтаныргъа сюйгенлени сизге сюннет этилигиз деп къысханлары уа, жаланда Масихни къачы амалтын зулмулукъ кёрмез ючюндю.

I Фесалоникачылагъа 2:5

Нек десегиз сиз билгенча, бир заманда да сизни аллыгъызда бизни не кёзбау сёзлерибиз, не кесибизге хайыр излеуюбюз болмагъанына Аллах шагъатды.