II Коринфлилеге 11:13 - Сыйлы Инжил бла Забур

¹³ Нек десегиз аллай жалгъан абустолла, хыйла ишле этиучюле, Масихни абустолларыны сыфатына киредиле.

II Коринфлилеге 11:13 Iomraidhean Croise

Маттай 25:24

Бир талант алгъан да келип: „Бийим! Сен къаты адам болгъанынгы, сепмеген жерингден оргъанынгы, чачмагъан жерингден жыйгъанынгы мен биле эдим;

Ишлери 15:1

Иудеядан келген бир къауумла, къарындашлагъа: «Мусаны адети бла сюннет этдирмесегиз, къутхарыллыкъ тюйюлсюз», – деп юйрете эдиле.

Ишлери 15:24

Бизден бир къауумла барып, сизге сюннет этилирге эм Тауратны жорукъларын тутаргъа керекди деп, сизни жунчутуп, жюреклеригизни арсар этгенлерин эшитгенбиз. Биз алагъа алай этерге буйрукъ бермеген эдик.

Ишлери 20:30

Сизни кесигизден да, сохталаны кеси ызларындан элтир ючюн терсине айтырыкъ адамла да чыгъарыкъдыла.

Римлилеге 16:18

Нек десегиз аллай адамла бизни Раббийибиз Масих Иссагъа къуллукъ этмейдиле, алай а кеслерини къарынларына къуллукъ этедиле; ала кёзбаулукъ бла эм сёзге усталыкъ бла хыйласыз адамланы жюреклерин терилтедиле.

II Коринфлилеге 11:15

Ол себепден а анга къуллукъ этгенле да, кеслерин тюзлюкге къуллукъ этгенлеча кёргюзтгенлери уллу иш тюйюлдю. Аланы ахырлары уа этген ишлерине кёре боллукъду.

II Коринфлилеге 2:17

Нек десегиз биз, кёплеча, Аллахны сёзюн кесибизге файда болур ючюн жюрютюучюле тюйюлбюз, алай а Аллах ийгенле, Масихникиле болуп, Аллахны аллында таза жюрекден айтабыз.

II Коринфлилеге 4:2

Алай а, таша болгъан айыплы ишлени атып, хыйлалыкъ этерге излемей эм Аллахны сёзюн терсине бурмай, хакъ кертини уа ачып, кесибизни хар адамны жюрегине Аллахны аллында ачыкъ этебиз.

Галатиялылагъа 1:7

Керти да башха хайыр хапар жокъду, алай а сизни жунчутхан эм Масихни Хайыр Хапарын терсине бурургъа сюйген адамла бардыла ансы.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 4:17

Сизни кеслерине бурургъа эришгенле аман ниет этип эришедиле. Сиз да алагъа эришир ючюн, сизни бизден айырыргъа излейдиле.

Галатиялылагъа 6:12

Адам табийгъатлары бла махтаныргъа сюйгенлени сизге сюннет этилигиз деп къысханлары уа, жаланда Масихни къачы амалтын зулмулукъ кёрмез ючюндю.

Эфеслилеге 4:14

Алай бла биз энди адамланы фитначылыкълары эм хыйлачылыкъгъа усталыкълары бла бизни ажашдырыргъа кюрешгенхар тюрлю окъууланы толкъунлары эм желлери чайкъалтып ары бла бери ауа тургъан сабийле болмайыкъ.

Колослулагъа 2:4

Мен муну сизге, бир киши да сизни алдау сёзле бла терилтмесин деп айтама.

Колослулагъа 2:8

Къарындашла, сакъ болугъуз, Масиххе кёре тюйюл, адамланы адетлерине эм бу дунияны башланнгыч жорукъларына кёре, философия бла эм бош терилтиучю сёзле бла сизни бир киши да жесир этмесин.

I Ахия 2:18

Балала! Ахыргъы заманды. Эмда Масиххе къаршчы келликди деп, сиз эшитгенигиз кибик, энди уа Масиххе къаршчыла кёп чыкъгъандыла. Ахыргъы заман болгъанын а биз андан билебиз.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.

Билим Ачханы 19:20

Сора жаныуар да, аны бла бирге аны аллында сейир илишанла кёргюзтген, ол илишанла бла жаныуарны тамгъасын къабыл этгенлени эм аны суратына баш ургъанланы терилтген жалгъан файгъамбар да тутулдула; ала экиси да саулай, кукурт жаннган от кёлге атылдыла.

Билим Ачханы 2:2

„Сени ишлеринги, урунууунгу, чыдамлылыгъынгы эмда сен аман адамлагъа тёзмегенинги билеме. Ала абустол болмагъанлай, кеслерине абустол атагъанланы сынагъанса эмда аланы ётюрюкчю болгъанларын ангылагъанса.

Билим Ачханы 2:20

Алай а санга къажау айтыр затым да барды: сен кесине файгъамбар атагъан къатын Изабелни, Мени къулларымы саякълыкъ этерге эм идоллагъа этилген къурманланы этлерин ашаргъа юйретирге эм ажашдырыргъа бошлап къояса.

Билим Ачханы 2:9

„Сени ишлеринги, азап чекгенинги эм жарлылыгъынгы билеме. Алай а сен байса! Кеслерини юслеринден, биз иудейлилебиз деп, сизге аман айтханланы да билеме. Ала иудейли тюйюлдюле, шайтанны жыйымдыгъыдыла.