II Коринфлилеге 10:5 - Сыйлы Инжил бла Забур

⁵ Эмда Аллахны билиуге ёхтемлик бла къажау тургъан хар тыйгъычны къоратабыз эм хар тюрлю ойлашыуну Масиххе бойсундуруп жесир этебиз.

II Коринфлилеге 10:5 Iomraidhean Croise

Забур 10:4

Раббий Кесини сыйлы юйюндеди, Раббийни тахтасы кёкледеди, Аны кёзлери кёредиле, Аны кёз къабакълары адам улуланы сынайдыла.

Забур 139:2

Я Раббий, огъурсуз адамдан мени къутхар, зулмучудан мени сакъла.

Маттай 15:19

Нек десегиз аман ниетле, адам ёлтюрюуле, зийна этиуле, тос туруула, урлаула, жалгъан шагъатлыкъла, аман айтыула жюрекден чыгъадыла.

Лука 1:51

Кесини билек кючюн кёргюзтгенди: ёхтемлени аланы жюреклерини ойлашыулары бла чачханды.

Римлилеге 1:21

Алай а ала, Аллахны биле тургъанлай, Анга, Аллахха тийишлисича махтау салмагъанлары эм шукур этмегенлери себепли, кеслерин магъанасыз ойлашыулагъа бергендиле эм аланы ангылаусуз жюреклерин къарангылыкъ басханды.

Римлилеге 1:5

Битеу миллетледен адамланы ийманнга бойсундурур ючюн, Масихни юсю бла эм аны аты ючюн Аллахны шафауатын эм абустоллукъ алгъанбыз.

Римлилеге 7:23

Мени санларымда уа, акъылымдагъы Законнга къажау кюрешип, мени жесир этген башха закон кёреме.

I Коринфлилеге 1:19

Нек десегиз Китапда: «Акъылманланы акъылманлыкъларын жоярма, оюмлуланы да оюмларын бузарма», – деп жазылгъанды.

I Коринфлилеге 3:19

Нек десегиз бу дунияны акъылманлыгъы Аллахны аллында акъылсызлыкъды. Китапда жазылгъаны кибик: «Аллах акъылманланы аланы хыйлачылыкълары бла тутады».

II Коринфлилеге 11:20

Сизни къул этгенлеге, къыйыныгъызны ашагъанлагъа, сизни алдагъанлагъа, кеслерин ёрге кётюргенлеге, бетигизге ургъанлагъа сиз тёзесиз.

II Коринфлилеге 9:13

Нек десегиз адамла бу къуллукъ этиуню сынамын кёрюп, сиз Масихни Хайыр Хапарын ачыкъ къабыл этип, анга боюн салгъаныгъыз ючюн эм таза жюрекден алагъа эм барысына этген чомартлыгъыгъыз ючюн Аллахха махтау саладыла.

II Фесалоникачылагъа 2:4

Ол адам а аллах аталгъан, неда адамла табыннган хар затха къажау турлукъду эм барындан да кесин уллугъа санарыкъды, алай бла ол, кесин Аллах сундуруп, Аллах кибик, Аллахны табыныучу юйюнде олтурлукъду.

II Фесалоникачылагъа 2:8

Сора ол заманда законсузлукъчу ачыллыкъды, аны уа Раббий Исса Кесини ауузуну солууу бла ёлтюрлюкдю эм Кесини келгенини кёрюнюую бла жокъ этерикди.

Чюйютлелеге 4:12

Нек десегиз Аллахны сёзю жашайды эм кючлюдю эм хар тюрлю эки ауузлу къылычдан да жютюдю; ол жанны бла нюрню, жиклени бла жиликлени айырыугъа дери ётеди эм жюрекни ойлашыуларына бла ниетлерине сюд этеди.

Чюйютлелеге 5:9

Эм, тамам болуп, Анга бойсуннганланы барына да ёмюрлюк къутхарылыуларын Тындырыучу болгъанды.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.