II Коринфлилеге 1:7 - Сыйлы Инжил бла Забур

⁷ Бизни сизге ышаныуубуз къатыды. Биз жапсарыла эсек да, сизни жапсарылыуугъуз эм къутхарылыуугъуз ючюн жапсарылабыз; нек десегиз сиз бизни къыйналыуларыбызгъа къошулгъаныгъыз кибик, жапсарылыуубузгъа да къошулгъаныгъызны билебиз.

II Коринфлилеге 1:7 Iomraidhean Croise

Маттай 23:30

Эмда: „Биз аталарыбызны заманларында жашагъан болсакъ эди, файгъамбарланы къанларын тёгюуде алагъа нёгер болмаз эдик“ дейсиз.

I Коринфлилеге 10:13

Сиз хар адам да тюбеучю сыналыуладан башха тюрлю сыналыулагъа тюбемегенсиз. Аллах а ышаннгылыды. Ол сиз чыдаялмазча сыналыу бла сизни сынатмаз, алай а сыналыуда сиз тёзюп къутулурча амал да берир.

II Коринфлилеге 1:14

Алай бла, бизни Раббийибиз Масих Иссаны кюнюнде биз сизни бла махтаннган кибик, сиз да бизни бла махтанырсыз.

II Коринфлилеге 12:20

Нек десегиз мен сизге келсем, сизни мен жаратмагъанла болуп табарма эм сиз да мени сиз жаратмагъан болуп табарсыз: сизде къаугъала, зарлыкъла, ачыуланыула, даулашыула, сёз этиуле, тилчиликле, ёхтемликле, низамсызлыкъла табарма деп къоркъама.

II Коринфлилеге 7:9

Энди мени къууаннганым, сизни жарсыгъаныгъыз ючюн тюйюлдю, алай а жарсыгъаныгъыз сизни тобагъа къайтышдыргъаны ючюндю; нек десегиз Аллах сюйгенча жарсыгъансыз, алай бла бизден не аз да заран кёрмегенсиз.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

II Тимотейге 3:11

Сынагъан зулмулукъларымы эм къыйынлыкъларымы, Антиохияда, Иконияда, Листрада башыма келген къыйынлыкъланы кёрюп тургъанса. Мен къаллай зулмулукъла сынагъан эсем да, Раббий мени аланы барындан да къутхаргъанды.

Якъуп 1:12

Сыналыугъа чыдагъан адам насыплыды; нек десегиз ол, сыналып, Раббий Аны сюйгенлеге берирге айтхан жашауну тажын аллыкъды.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.