II Коринфлилеге 1:19 - Сыйлы Инжил бла Забур

¹⁹ Нек десегиз Аны юсюнден биз – мен, Силуан эмда Тимотей – сизге билдирген, Аллахны Уланы Масих Исса бирде «хау», бирде «угъай» болмагъанды, алай а Анда жангыз «хау» болгъанды.

II Коринфлилеге 1:19 Iomraidhean Croise

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Маттай 17:5

Ол муну айта тургъан заманда, ма аланы жарыкъ булут жапды, сора булутдан бир ауаз: «Бу – Мени ыразылыгъым Анда болгъан, Мени Сюйюлюннген Уланымды; Анга тынгылагъыз», – деди.

Маттай 24:35

Кёк бла жер жокъ болсала да, Мени сёзлерим а къаллыкъдыла».

Маттай 27:40

«Эй табыныучу юйню бузуп, юч кюннге жангыдан ишлеучю! Кесинг-Кесинги къутхар! Сен Аллахны Уланы эсенг, къачдан тюш!» – дей эдиле.

Маттай 27:54

Жюзбашчы эм аны бла бирге Иссаны сакълагъанла, жер титирегенни эм битеу болуннганны кёргенде, бек къоркъуп: «Кертиси да Бу Аллахны Уланы эди!» – дей эдиле.

Маттай 3:17

Ол заманда кёкледен: «Бу Мени сюйюлюннген Уланымды; Мен Анга ыразыма», – деген ауаз келди.

Маттай 4:3

Сора терилтиучю, Анга жууукълашып: «Сен Аллахны Уланы эсенг, бу ташлагъа ётмекле болургъа буюр», – деди.

Марк 1:1

Аллахны Уланы Масих Иссаны юсюнден Хайыр Хапарны башланнганы.

Лука 1:35

Мёлек анга жууапха: «Санга Сыйлы Нюр тюшерикди эмда Аллаху-Тааланы кючю сени жабарыкъды. Ол себепден, туугъан Сыйлыгъа да Аллахны Уланы аталлыкъды.

Ахия 1:34

Мен да кёргенме эм Ол Аллахны Уланы болгъанына шагъатлыкъ этгенме», – деди.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 19:7

Иудейлиле анга: «Бизни Законубуз барды, бизни Законубузгъа кёре, Ол ёлюрге керекди; нек десенг Кесин Аллахны Уланы этгенди», – деп жууап бердиле.

Ахия 20:28

Тома Анга жууапха: «Мени Раббийим, мени Аллахым!» – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:16

Нек десенг Аллах дунияны алай бек сюйгенинден, Кесини жангыз Уланын, Анга ийнаннган хар адам, жоюлмай, ёмюрлюк жашаулу болур ючюн бергенди.

Ахия 6:69

Сен жашау бериучю Аллахны Уланы Масих болгъанынга, биз ийнаннганбыз эм билгенбиз», – деп жууап берди.

Ахия 8:58

Исса алагъа: «Кертисин, кертисин айтама сизге: Ибрахим туугъандан алгъа, Мен барма», – деди.

Ишлери 15:22

Ол заманда абустолла бла таматала битеу жамауат бла бирге кеси араларындан сайлагъан адамларын Пауул эмда Барнаба бла Антиохиягъа иерге оноу этдиле. Къарындашланы арасында башчылыкъ этгенледен Баршаба аталгъан Иуданы эм Силаны сайладыла.

Ишлери 16:1

Пауул андан Дербиге бла Листрагъа дери жетген эди. Анда Тимотей атлы бир сохта бар эди; аны анасы ийманлы иудейлиледен эди, атасы уа грекли эди.

Ишлери 18:5

Македониядан Сила бла Тимотей келгенде уа, Пауул, Иссаны Масих болгъанына иудейлилеге шагъатлыкъ этип, кесин саулай Аллахны сёзюн жаяргъа берди.

Ишлери 8:36

Жолда бара, ала суугъа жетдиле. Евнух: «Ма, суу; кёмюлдюрюлюуюме не чырмау барды?» – деди.

Ишлери 9:20

Олсагъатдан синагогалада Исса Аллахны Уланы болгъанын билдирип башлады.

II Коринфлилеге 1:1

Аллахны буйругъу бла Масих Иссаны абустолу болгъан мен Пауулдан эм Тимотей къарындашдан Коринфде болгъан Аллахны жамауатына эмда саулай Ахаяда болгъан битеу сыйлылагъа салам!

I Фесалоникачылагъа 1:1

Пауулдан, Силуандан эм Тимотейден, Аллах Атада эм Раббий Масих Иссада болгъан фесалоникачыланы жамауатына салам! Атабыз Аллахдан эм Раббийибиз Масих Иссадан сизге шафауат эм ырахатлыкъ болсун.

II Фесалоникачылагъа 1:1

Пауулдан, Силуандан эм Тимотейден, Атабыз Аллахны эм Раббий Масих Иссаны Фесалоникадагъы жамауатына салам!

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.

Чюйютлелеге 1:11

Ала жоюллукъдула, Сен а хар заманда да турлукъса; ала бары да кийим кибик эски боллукъдула,

Чюйютлелеге 13:8

Масих Исса тюрленмейди, тюнене да, бюгюн да эм ёмюрде да Ол Кесиди.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.

II Петер 1:17

Нек десегиз уллу эм махтаулу Аллахдан Анга: «Бу Мени ыразылыгъым Анда болгъан, Мени Сюйюлюннген Уланымды», – деген ауаз келген заманда, Ол Аллах Атадан хурмет эм махтау алгъанды.

I Ахия 1:3

Сизни да бизни бла бирикмеклигигиз болур ючюн, биз кёргенибизни эм эшитгенибизни сизге билдиребиз. Бизни бирикмеклигибиз да Ата бла эм Аны Уланы Масих Исса блады.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

II Ахия 1:9

Масихни юйретиуюн бузгъан эм ол юйретиуде турмагъан ким болсада, ол адамда Аллах жокъду; Масихни юйретиуюнде тургъанда Ата да, Улан да барды.

Билим Ачханы 1:11

Бу кёргенинги китапха жаз эм Асияда болгъан жети жамауатха: Эфесге, Измирге, Бергамагъа, Тиатирагъа, Сардисге, Филадельфиягъа эм Лаодикиягъа жибер», – деп айтханын эшитдим.

Билим Ачханы 1:17

Аны кёргенимде, ёлгенча болуп, Аны аякъларына аудум. Ол, онг къолун мени юсюме салып, манга былай айтды: «Къоркъма! Биринчи да, Ахыргъы да Менме.

Билим Ачханы 1:8

«Альфа да, Омега да, ауалы да, ахыры да Менме», – дейди Бар Болгъан, Бар Болуп Тургъан эм Бар Болуп Турлукъ, битеу дунияны тутхан Раббий Аллах.

Билим Ачханы 2:18

«Тиатираны жамауатыны мёлегине да былай жаз: Аны кёзлери отну жилтини кибик болгъан, аякълары да сыйдам жезге ушагъан, Аллахны Уланы былай айтады: