II Коринфлилеге 1:1 - Сыйлы Инжил бла Забур

¹ Аллахны буйругъу бла Масих Иссаны абустолу болгъан мен Пауулдан эм Тимотей къарындашдан Коринфде болгъан Аллахны жамауатына эмда саулай Ахаяда болгъан битеу сыйлылагъа салам!

II Коринфлилеге 1:1 Iomraidhean Croise

Ишлери 16:1

Пауул андан Дербиге бла Листрагъа дери жетген эди. Анда Тимотей атлы бир сохта бар эди; аны анасы ийманлы иудейлиледен эди, атасы уа грекли эди.

Римлилеге 15:26

Нек десегиз Македонияны бла Ахаяны жамауатлары Иерусалимде сыйлыланы арасында жарлылагъа бираз болушургъа къабыл кёргендиле.

Римлилеге 16:21

Мени биргеме уруннган нёгерим Тимотей эм Лукий, мени жууукъларым Ясон эм Сосипатер сизге салам айтадыла.

Римлилеге 16:5

Ахиячыладан Масиххе бек алгъа ийнаннган, мен сюйюучю Эпенетге салам айтыгъыз.

I Коринфлилеге 10:32

Не иудейлилеге, не греклилеге, не Аллахны жамауатына чырмау болмагъыз.

I Коринфлилеге 16:10

Тимотей сизге келсе уа, ол сизде къоркъуусуз болуруна къарагъыз; нек десегиз, мени кибик, ол да Раббийни ишин этеди.

I Коринфлилеге 16:15

Къарындашла, сиз Истефанасны юйюрюн билесиз; ала Ахаяны биринчи ийманлыларыдыла эмда кеслерин сыйлылагъа къуллукъ этерге бергендиле. Мени сизден тилегеним барды:

I Коринфлилеге 16:24

Масих Иссада мени сюймеклигим сизни барыгъыз бла да болсун. Амин.

I Коринфлилеге 6:11

Сизден да бир къауумла аллайла эдиле; алай а жууулгъансыз, сыйлы этилгенсиз, Раббийибиз Масих Иссаны аты бла эм Аллахыбызны Нюрю бла ариуланнгансыз.

II Коринфлилеге 1:19

Нек десегиз Аны юсюнден биз – мен, Силуан эмда Тимотей – сизге билдирген, Аллахны Уланы Масих Исса бирде «хау», бирде «угъай» болмагъанды, алай а Анда жангыз «хау» болгъанды.

II Коринфлилеге 1:23

Аллахны жаныма шагъат этеме, мен эндиге дери Коринфге сизни аяп келмей тургъаныма.

II Коринфлилеге 11:10

Масихни менде болгъан тюзлюгю бла айтайым, Ахаяны жерлеринде бу махтау менден сыйырыллыкъ тюйюлдю.

II Коринфлилеге 9:2

Нек десегиз мен сизни болушургъа хазыр болгъаныгъызны билеме эм, Ахая былтырдан бери окъуна хазырды деп, Македониячыланы алларында сизни бла махтанама эмда сизни эришиуюгюз кёплеге кёл салдыргъанды.

Галатиялылагъа 1:1

Адамла сайламагъан эм адамны юсю бла сайланмагъан, алай а Масих Исса эм Аны ёлгенледен тиргизген Аллах Ата сайлагъан мен абустол Пауулдан

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!

I Фесалоникачылагъа 1:1

Пауулдан, Силуандан эм Тимотейден, Аллах Атада эм Раббий Масих Иссада болгъан фесалоникачыланы жамауатына салам! Атабыз Аллахдан эм Раббийибиз Масих Иссадан сизге шафауат эм ырахатлыкъ болсун.

I Фесалоникачылагъа 3:2

Эмда сизни бегимли этер ючюн эм сизни ийманыгъызда кёллендирир ючюн, къарындашыбыз эм Аллахха къуллукъ этиучю, Масихни Хайыр Хапарын жайыуда нёгерибиз Тимотейни ийген эдик.

II Фесалоникачылагъа 1:1

Пауулдан, Силуандан эм Тимотейден, Атабыз Аллахны эм Раббий Масих Иссаны Фесалоникадагъы жамауатына салам!

I Тимотейге 1:1

Бизни Къутхарыучубуз Аллахны эм бизни ышаннганыбыз Раббий Масих Иссаны буйругъу бла Масих Иссаны абустолу мен Пауулдан

II Тимотейге 1:1

Масих Иссада болгъан, ант бла берилген жашаугъа кёре, Аллахны буйругъу бла Масих Иссаны абустолу мен Пауулдан

Титге 1:1

Аллахны сайлагъанларыны ийманларын эмда Аллахны жолунда хакъ кертини ангылауларын алгъа бардырыр ючюн, Аллахны къулу эм Масих Иссаны абустолу болургъа сайланнган мен Пауулдан салам!

Филимоннга 1:1

Масих Исса ючюн тутмакъ болгъан мен Пауулдан эм Тимотей къарындашдан сюйюлюннген эм бирге уруннган нёгерибиз Филимоннга,

Чюйютлелеге 13:23

Къарындашыбыз Тимотей эркин болгъанын билигиз. Ол къысха заманда бери келсе, мен да аны бла бирге сизни кёрюрге барырма.