Галатиялылагъа 6:15 - Сыйлы Инжил бла Забур

¹⁵ Нек десегиз Масих Иссада сюннетлиликни да, сюннетсизликни да магъанасы жокъду, жаланда магъаналы болгъан – жангыдан жаратылыуду.

Галатиялылагъа 6:15 Iomraidhean Croise

Римлилеге 2:26

Алай бла, сюннет этилмеген адам Тауратны бегимлерин тута эсе, аны сюннетсизлиги сюннетге саналмазмы?

Римлилеге 2:28

Нек десенг тышындан иудейли болгъан тюйюлдю иудейли, сюннет да ол тышындан чархына этилген сюннет тюйюлдю.

Римлилеге 6:4

Ол себепден, Масих Атаны махтаулу кючю бла ёлгенледен тиргизилгени кибик, биз да жангыргъан жашауда алай жюрюр ючюн, сууда кёмюлдюрюлюуюбюз бла Аны бла ёлюмге кёмюлгенбиз.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

I Коринфлилеге 7:19

Сюннетлилик да, сюннетсизлик да бошду, алай а бары да Аллахны фарызларын тутуудады.

II Коринфлилеге 5:17

Мынга кёре, ким Масихде эсе, ол жангы жаратылгъан адамды. Буруннгу озгъанды, энди уа хар неда жангыды.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Эфеслилеге 2:10

Нек десегиз биз Аллахны чыгъармасыбыз, Масих Иссада ахшы ишле этерге жаратылгъанбыз. Биз жашауубузну ол ишлени этип ашырыр ючюн Аллах аланы бизге этерге алгъындан буюргъанды.

Эфеслилеге 2:15

Эки къауумубузну да бир этгенди, Кесини чархы бла арабызда тургъан тыйгъычны, душманчылыкъны кетергенди.

Эфеслилеге 4:24

Эм хакъ керти тюзлюклюлюк бла эмда сыйлылыкъ бла Аллахха ушатылып жаратылгъан жангы адамлыкъгъа кийинигиз.

Билим Ачханы 21:5

Сора тахтада Олтургъан: «Ма, хар нени да жангы этеме», – деди. Эмда манга: «Быланы жаз, нек десенг бу сёзле хакъ кертидиле эм тюздюле», – деди.