Галатиялылагъа 5:22 - Сыйлы Инжил бла Забур

²² Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Галатиялылагъа 5:22 Iomraidhean Croise

Забур 1:3

Ол, кесини заманында кёгетин берген, аны чапырагъы да къурумагъан, баргъан сууну къатында орнатылгъан терекча боллукъду; ол не эте эсе да, жетишимли боллукъду.

Маттай 12:33

Неда терекни ахшыгъа, аны кёгетин да ахшыгъа санагъыз; неда терекни аманнга, аны кёгетин да аманнга санагъыз; нек десегиз терек кёгетинден танылады.

Лука 13:9

Экинчи жыл кёгет берир эсе, бермесе уа, аны кесерсе“ дегенди», – деди.

Ахия 15:16

Мени сиз сайламагъансыз, Мен сайлагъанма сизни, сиз барыр ючюн эм битим келтирир ючюн эмда сизни битимигиз болуп турур ючюн салгъанма сизни; Атадан Мени атым бла не тилесегиз да, Ол сизге берир ючюн алай этгенме.

Ахия 15:2

Менде болуп кёгет бермеген хар бутакъны Ол кесип атады; кёгет берген хар бутакъны да дагъыда кёп кёгет берир ючюн тазалайды.

Ахия 15:5

Мен Жюзюм Терекме, сиз а бутакъласыз; кеси Менде болуп тургъан, Мен да анда тургъан адам кёп битимли болады; нек десегиз Менсиз бир зат да эталлыкъ тюйюлсюз.

Римлилеге 14:17

Нек десегиз Аллахны Патчахлыгъы аш бла суусун тюйюлдю, алай а тюзлюклюлюк, жарашыулукъ эмда Сыйлы Нюрде къууанчды.

Римлилеге 15:14

Мен кесим да, къарындашларым, сиз игилик этиуден эм хар тюрлю билимден толу болгъаныгъызгъа эмда бир-биригизге насийхат берирге болаллыгъыгъызгъа толу ийнанама.

Римлилеге 15:3

Нек десегиз Масих да Кесини кёлюне жараргъа кюрешмегенди, алай а: «Санга аман айтыучуланы бедиш сёзлери Мени юсюме тюшгендиле», – деп жазылгъаныча болгъанды.

Римлилеге 15:30

Алай болсада, къарындашла, мени бла бирге мени ючюн Аллахдан тилек этерге кюреширигизни, Раббийибиз Масих Исса бла эм Сыйлы Нюрню сюймеклиги бла сизден тилейме.

Римлилеге 6:22

Энди уа, сиз гюняхдан азат этилип, Аллахны къуллары болгъаныгъызгъа кёре, сизни хайырыгъыз сыйлылыкъды, ахыры уа ёмюрлюк жашауду.

Римлилеге 7:4

Аныча къарындашларым, сиз да башха ныкъыла – ёлгенледен тиргизилген Масих никиле болур ючюн – Масихни чархыны юсю бла ёлюп Закондан эркин болгъансыз. Бу да, биз Аллахха къуллукъ этиуюбюзде жетишимли болур ючюндю.

Римлилеге 8:5

Нек десегиз гюняхлы табийгъатына кёре жашагъанла ол табийгъат кюсегенни юсюнден ойлашадыла, Нюрге кёре жашагъанла уа Нюр жанындан ойлашадыла.

I Коринфлилеге 13:13

Энди уа бу ючюсю жашап турадыла: ийман, умут, сюймеклик, алай а сюймеклик аланы барындан уллуду.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

Эфеслилеге 4:23

Акъылыгъызны нюрю бла уа жангырыгъыз

Эфеслилеге 5:9

Нек десегиз Нюрню битими хар тюрлю игиликде, тюзлюклюлюкде эм кертиликде кёрюнеди.

Колослулагъа 1:10

Сиз Раббийге тийишли жашап, хар не жаны бла да Аны ыразы этип, хар ахшы иш бла битим берип, Аллахны билиу бла ёсер ючюн,

II Фесалоникачылагъа 3:2

Эмда биз аман эм хыйлачы адамладан къутулайыкъ деп тилек этигиз; нек десегиз ийман барында тюйюлдю.

I Тимотейге 3:11

Аны кибик аланы къатынлары да, жамауатда болушлукъчулукъ этген тиширыула да тийишли болургъа керекдиле, тилчи болмагъанла, адеплиле, хар не жаны бла да ышаннгылы болгъанла болургъа керекдиле.

I Тимотейге 4:12

Сени жашлыгъынгы бир киши да сансыз этмесин; алай а сёз айтыуда, жашауда, сюймекликде, нюрде, ийманда, тазалыкъда ийманлылагъа юлгю бол.

I Петер 1:22

Нюрню юсю бла хакъ кертиге боюн салып жанларыгъызны тазалагъансыз, кёзбаусуз къарындаш сюйюуге жетгенсиз, алай бла таза жюрекден бир-биригизни сюйгенлей туругъуз.

I Петер 1:8

Масихни уа кёрмегенлей сюесиз эм Аны эндиге дери да кёрмей эсегиз да, Анга ийнаныу бла айтылынмагъанча уллу махтаулу къууанч бла къууанасыз.

I Петер 5:12

Муну къысха жазып, мен сизге, мен ышаннгылы къарындашха санагъан Силуанны къолу бла иеме. Бу сиз ийнанып тургъан Аллахны хакъ керти шафауаты болгъанына шагъатлыкъ этип, сизге кёл этдиреме.