Галатиялылагъа 5:21 - Сыйлы Инжил бла Забур

²¹ Жутлукъ, мурдарлыкъ, ичгичилик, къутуруулукъ эмда алагъа ушагъан затла. Сизге алгъын айтханымча энтда айтама, алай этиучюле Аллахны Патчахлыгъындан юлюшлю боллукъ тюйюлдюле.

Галатиялылагъа 5:21 Iomraidhean Croise

Маттай 25:34

Ол заманда Патчах Кесини онг жанындагъылагъа: „Келигиз, Атамы алгъышлылары, дуния жаратылгъандан бери сизге хазырланып тургъан Патчахлыкъгъа ие болугъуз.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Римлилеге 13:13

Не тойгъа-оюннга эм ичгичиликге, не хаулеликге эм адепсизликге, не къаугъалагъа эм зарлыкъгъа кесибизни бермегенлей, кюндюзгю кюндеча, кесибизни иги низам бла тутайыкъ.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

I Коринфлилеге 15:50

Алай а муну сизге айтайым, къарындашла, эт бла къан Аллахны Патчахлыгъындан юлюшлю болаллыкъ тюйюлдюле эм чиририк, чиримезликден юлюшлю тюйюлдю.

I Коринфлилеге 5:11

Мен а сизге: къарындаш аталып, саякълыкъда, неда жутлукъда, неда идоллагъа табыныучулукъда, неда ачы тиллиликде, неда ичгичиликде, неда жыртхычлыкъда къалгъан адам бла тюбешмегиз, аллай адам бла бирге ашагъан да этмегиз деп жазгъан эдим.

Эфеслилеге 5:18

Эм чагъыр ичип эсирмегиз, нек десегиз андан хаулелик болады; алай а Сыйлы Нюрден толугъуз,

Колослулагъа 3:6

Ол затла ючюн а бойсунмаучу адамлагъа Аллахны чамланыуу келеди.

I Фесалоникачылагъа 5:7

Нек десегиз жукълагъанла кече жукълайдыла, ичип эсиргенле да кече ичип эсиредиле.

II Фесалоникачылагъа 2:5

Мен алгъын сизде болгъан заманымда бу затланы сизге айтханым сизни эсигизде тюйюлмюдю?

Чюйютлелеге 13:4

Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

I Петер 4:3

Нек десегиз сиз озгъан заманда жашауугъузда мажюсю талпыу бла адепсизликлеге, тыйгъычсызлыкълагъа, ичгичиликге, ашауда эм ичиуде артыкъ оздурмакълыкъгъа эм жийиргенчли идоллагъа табыныугъа кесигизни берип жашагъаныгъыз боллукъду.

Билим Ачханы 21:27

Аны ичине бир тюрлю харам зат эм жийиргенчли ишге бла ётюрюкге кесин берген бир киши да кирлик тюйюлдю; жаланда атлары, Къозуну жашау китабында жазылгъанла кирликдиле.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.