Галатиялылагъа 5:19 - Сыйлы Инжил бла Забур

¹⁹ Адамны гюняхлы табийгъатыны ишлери белгилидиле. Ала: зийначылыкъ, саякълыкъ, харамлыкъ, адепсизлик,

Галатиялылагъа 5:19 Iomraidhean Croise

Забур 17:4

Махтау тийишли Раббийни чакъырлыкъма да душманларымдан къутуллукъма.

Ахия 3:6

Чархдан туугъан чархды, Нюрден туугъан а нюрдю.

Римлилеге 7:18

Нек десегиз менде, алай демеклик адам табийгъатымда хайырлы зат жашамагъанын билеме. Игилик этерге сюйюу менде барды, алай а аны этерге кючюм жокъду.

Римлилеге 7:25

Бизни Раббийибиз Масих Иссаны юсю бла Аллахха шукур болсун! Алай бла ол биягъы мен акъылым бла Аллахны Законуна, адам табийгъатым бла уа гюняхны законуна къуллукъ этеме.

Римлилеге 7:5

Нек десегиз биз чархыбызны табийгъатына кёре жашагъан заманда, Закон бла ачыкъ болгъан кемсиз, гюняхлы кюсемекликле бизни санларыбызда жюрюй эдиле, аладан а биз ёлюм келтирген ишле этгенбиз.

Римлилеге 8:13

Нек десегиз гюняхлы табийгъатыгъызгъа кёре жашай эсегиз, ёллюксюз; гюняхлы чархыгъызны этген ишлерин Сыйлы Нюрню болушлугъу бла ёлю эте эсегиз а, жашарыкъсыз.

Римлилеге 8:3

Адам табийгъатдан кючсюзленнген Тауратны Закону эталмагъанны Аллах этгенди; Кесини Уланын, адамны гюняхлы чархына ушагъан чарх бла гюнях ючюн къурман болургъа ийгенди эм гюняхха адам чархында сюд этгенди.

Римлилеге 8:5

Нек десегиз гюняхлы табийгъатына кёре жашагъанла ол табийгъат кюсегенни юсюнден ойлашадыла, Нюрге кёре жашагъанла уа Нюр жанындан ойлашадыла.

Римлилеге 8:9

Алай а Аллахны Нюрю сизде жашай эсе, сиз гюняхлы табийгъатыгъызны тюйюл, Нюрню оноуундасыз. Масихни Нюрю анда болмагъан адам а Масихни тюйюлдю.

I Коринфлилеге 3:3

Не ючюн десегиз сиз алыкъа гюняхлы табийгъатыгъызгъа кёре жашайсыз. Сизни арагъызда зарлыкъ, даулашыула эм келишмеулюкле бар эселе, сора сиз гюняхлы табийгъатыгъызгъа кёре жашагъанла эмда адамланы адетлерин этгенле тюйюлмюсюз?

I Коринфлилеге 6:18

Саякълыкъдан къачыгъыз; адам этген хар гюнях чархындан тышындады, саякъ а кесини чархына къажау гюнях этеди.

Галатиялылагъа 5:13

Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

Галатиялылагъа 5:17

Нек десегиз адамны гюняхлы табийгъаты, Нюр кёрюп болмагъанны сюеди, Нюр да гюняхлы табийгъат кёрюп болмагъанны сюеди. Ала бир-бирлерине къажаудула, алай бла сиз этерге сюйгенигизни этмейсиз.

Галатиялылагъа 6:8

Кесини гюняхлы табийгъаты ючюн сепген гюняхлы табийгъатындан чиримекликни орур, Нюр ючюн сепген а Нюрден ёмюрлюк жашау орур.

Титге 3:3

Нек десенг биз да бир заманлада оюмсузла, боюн салмагъанла, ажашханла эдик, тюрлю кюсеулеге бла жубанчлагъа къул эдик, аман ниетде бла зарлыкъда жашай эдик, жийиргенчли эдик, бир-бирибизни кёрюп болмай эдик.

Чюйютлелеге 13:4

Некях барыгъызда да багъалы кёрюлсюн эмда жатхан жеригиз айыпсыз болсун; саякълагъа бла зийначылагъа уа Аллах сюд этерикди.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.

Билим Ачханы 22:15

Ит адамла эм хыйнычыла, саякъ адамла эм мурдарла, идоллагъа табыныучула эм ётюрюкню сюйюучю эм этиучю хар адам шахардан тышындадыла.