Галатиялылагъа 5:13 - Сыйлы Инжил бла Забур

¹³ Азатлыкъгъа чакъырылгъансыз сиз, къарындашла. Сизни бу азатлыгъыгъыз гюняхлы табийгъатыгъызны сюйгенин этерге сылтау болмасын анса; алай а сюймеклик бла бир-биригизге къуллукъ этигиз.

Галатиялылагъа 5:13 Iomraidhean Croise

Лука 4:18

«Раббийни Нюрю Мени юсюмдеди; нек десегиз Ол Мени жарлылагъа хайыр хапар берирге майлагъанды эмда Мени жюреклери сыннганланы сау этерге, жесирлеге азатлыкъны, сокъурлагъа кёзлерини ачыллыгъын билдирирге, унукъдурулгъанланы эркинликге бошларгъа,

Ишлери 20:35

Мен этген хар ишде сизге, алай урунуп, къарыусузлагъа болушургъа эмда Раббий Иссаны Кеси: „Алгъандан эсе, берген насыплыды“ деп айтхан сёзюн эсде тутаргъа керек болгъанын кёргюзтгенме» деп сёлешди.

I Коринфлилеге 8:9

Алай а сакъ болугъуз, сизни бу эркинлигигиз ийманы къарыусузлагъа чырмаулукъ этмесин.

I Коринфлилеге 9:19

Ол себепден барындан да азат болуп тургъанымлай, андан да кёп адам табар ючюн кесими барына да къул этгенме.

II Коринфлилеге 12:15

Мен сизни жаныгъыз ючюн кеси затымы ыразы болуп жоярыкъма эм кесими аздырлыкъма. Сизни чексиз бек сюйгенимлей, сиз мени аз сюерге къалай болалырсыз?

II Коринфлилеге 2:8

Ол себепден аны сюйгенигизни энтда кёргюзтюрюгюзню сизден тилейме.

II Коринфлилеге 3:17

Раббий Нюрдю. Раббийни Нюрю къайда эсе, азатлыкъ да андады.

II Коринфлилеге 4:5

Биз кесибизни юсюбюзден билдирмейбиз, алай а Масих Иссаны Раббий болгъанын билдиребиз; биз а Исса ючюн сизни къулларыгъызбыз.

Галатиялылагъа 2:4

Алай а бизни Масих Иссада болгъан азатлыгъыбызгъа къараргъа жашыртын келип, бизни къул этер ючюн, хыйлалыкъ бла келген жалгъан къарындашла бар эдиле.

Галатиялылагъа 4:22

Нек десегиз Ибрахимни эки уланы болгъанды, бири – къарауашдан, экинчиси уа – азат тиширыудан деп жазылгъанды.

Галатиялылагъа 5:1

Алай бла бизге Масих берген азатлыкъда туругъуз эм энтда жангыдан къул болууну боюнсасын боюнугъузгъа такъмагъыз.

Галатиялылагъа 5:14

Нек десегиз битеу Таурат: «Жууугъунгу кесинг-кесинги сюйгенча сюй», – деген бир сёз бла тамам болады.

Галатиялылагъа 5:22

Сыйлы Нюрню битими уа: сюймеклик, къууанч, жарашыулукъ, тёзюмлюлюк, ахшылыкъ, огъурлулукъ, ышаннгылылыкъ,

Галатиялылагъа 6:2

Бир-биригизни къыйынлыгъын кётюрюгюз, алай бла Масихни Законун толтурурсуз.

Эфеслилеге 5:21

Аллахдан къоркъууугъуз бла бир-биригизге бойсунугъуз.

I Фесалоникачылагъа 1:3

Сизни ийманыгъыз бла этген ишлеригизни, сюймеклигигиз бла урунууугъузну эмда Раббийибиз Масих Иссагъа ышаныуугъуздан келген тёзюмлюлюгюгюзню Атабыз Аллахны аллында тохтаусуз эсибизде тутабыз.

I Петер 2:16

Азатлача жашагъыз; азатлыкъны, аман ишлени жашырыр ючюн жюрютгенлеча тюйюл, алай а Аллахны къулларыча жашагъыз.

II Петер 2:19

Алагъа азатлыкъ берирге айтадыла, кеслери уа чиримекликни къулларыдыла. Нек десегиз ким кимге хорлатхан эсе, ол анга къулду.

Яхуда 1:4

Нек десегиз бизни Аллахыбызны шафауатын саякъ жюрюрге сылтаугъа бургъан эм Бийибиз бир Аллах ны да, Раббийибиз Масих Иссаны да къабыл этмеген бир къауум аллахсыз адамла арагъызгъа жашыртын киргендиле. Бу этген ишлери ючюн алагъа сюд этиллиги эрттеден жазылыпды.