Галатиялылагъа 4:19 - Сыйлы Инжил бла Забур

¹⁹ Сабийлерим, Масих сизни жашау халыгъызда кёрюннгюнчюге дери, мен сизни ючюн энтда жангыдан къозлау азапдама!

Галатиялылагъа 4:19 Iomraidhean Croise

Лука 22:44

Сора Исса, термилиуге тюшюп, бегирек да кёл салып тилек этди. Аны терлегени да жерге тамгъан къан тамычылача эди.

Римлилеге 13:14

Алай бла Раббийибиз Масих Иссаны кюбеча юсюгюзге кийигиз эмда гюняхлы табийгъатыгъызны кюсегенлерине бой салыуну ойламагъыз.

Римлилеге 8:29

Нек десегиз Кесини Уланы кёп къарындашланы арасында биринчи туугъан болур ючюн, Аллах кимлени алгъындан билген эсе, аланы Кесини Уланыны сыфатына ушатыргъа алгъындан белгили этгенди.

II Коринфлилеге 12:14

Ма, мен сизге ючюнчю кере барыргъа хазырма, сизге жюк боллукъ да тюйюлме; нек десегиз мен сизни затыгъызны излемейме, сизни излейме. Сабийле ата-аналарына тюйюл, ата-анала сабийлерине мюлк жыяргъа борчлудула.

Эфеслилеге 4:13

Муну ахырында барыбыз да ийманда эм Аллахны Уланын билиуде бирликге, тамам кишиликге, Масихни толулугъуну тамам мардасына жетербиз.

Эфеслилеге 4:24

Эм хакъ керти тюзлюклюлюк бла эмда сыйлылыкъ бла Аллахха ушатылып жаратылгъан жангы адамлыкъгъа кийинигиз.

Колослулагъа 1:27

Аллах, бу тасхада битеу миллетлеге къаллай бай махтауу болгъанын, сыйлылагъа кёргюзтюрге сюйгенди. Бу тасха уа Масихни сизде болгъаныды, сизни махтаулу болуругъузну умутуду.

Колослулагъа 2:1

Сизни ючюн эм Лаодикияда болгъанла ючюн эмда мени бетден-бетге танымагъанланы бары ючюн да къаллай уллу кюрешиуюм болгъанын сиз билиригизни сюеме.

Колослулагъа 3:10

Эмда жангы адамлыкъны кийгенсиз. Ол а аны Жаратханны сыфатыча, толу билимге жетер ючюн жангыра турады.

Колослулагъа 4:12

Масих Иссаны къулу, сиз тамамлы болур ючюн эм Аллахны ыразы этген хар затдан толур ючюн, сизни ючюн хар заманда да тилек этип кюрешиучю сизни Эпафрас сизге салам айтады.

I Фесалоникачылагъа 2:7

Биз, Масихни абустоллары кибик, сизден болушлукъ излерге боллукъ эдик, алай а, ана гитче сабийлерине ариу къарагъанча, сизни арагъызда алай жууаш болгъанбыз.

I Тимотейге 1:2

Ийманда керти уланым Тимотейге салам! Атабыз Аллахдан эм Раббийибиз Масих Иссадан санга шафауат, мархамат эм ырахатлыкъ болсун.

Титге 1:4

Экибизде да болгъан ийманда керти жашым Титге, Атабыз Аллахдан эм Къутхарыучубуз Раббий Масих Иссадан шафауат, мархамат эм ырахатлыкъ болсун.

Филимоннга 1:10

Мен аны тутмакълыгъымда туудургъан жашым Онисимни юсюнден сенден тилейме.

Филимоннга 1:19

Мен Пауул кеси къолум бла жазгъанма: мен тёлерме. Сен кесинг ючюн манга борчлу болгъанынгы уа айтмайма.

Чюйютлелеге 5:7

Масих дуниядагъы жашаууну кюнлеринде ачы къычырыкъла бла эм жилямукъла бла Аны ёлюмден къутхараллыкъ Аллахдан дууа этип тилек этгенди эм Аллахха хурмет этгени ючюн Аны тилеги къабыл болгъанды.

Якъуп 1:18

Биз, Ол жаратханланы биринчилери болур ючюн, Кеси сюйюп, Ол бизни хакъ кертини сёзю бла туудургъанды.

I Ахия 2:1

Сабийлерим! Быланы сизге сиз гюнях этмез ючюн жазама; гюнях этген адам бар эсе уа, тюзлюклю Масих Исса Атаны аллында бизни Ёкюлюбюздю.

I Ахия 2:12

Сабийле, сизге жазама, нек десегиз Аны атыны хурметинден сизни гюняхларыгъыз кечилгендиле.

I Ахия 5:21

Сабийле! Кесигизни идолладан сакълагъыз. Амин.

III Ахия 1:4

Сабийлерими хакъ кертини жолунда жюрюгенлерин эшитгенден уллу къууанчым жокъду.