Галатиялылагъа 3:28 - Сыйлы Инжил бла Забур

²⁸ Энди не иудейлини, не греклини, не къулну, не азатны, не эр кишини, не тиширыуну башхалыгъы жокъду; нек десегиз Масих Иссада сиз барыгъыз да бирсиз.

Галатиялылагъа 3:28 Iomraidhean Croise

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 11:52

Эм жаланда ол халкъ ючюн тюйюл, Аллахны чачылып айланнган сабийлерин да бирге жыяр ючюн ёллюгюн алгъындан айтхан эди.

Ахия 17:11

Мен энди дунияда тюйюлме, ала уа дуниядадыла, Мен а Санга барама. Сыйлы Ата! Аланы – Сен Манга бергенлени – Кесинги атынг бла сакъла, Бизде болгъаны кибик алада да бирлик болсун.

Римлилеге 1:16

Мен Масихни Хайыр Хапарын билдирирге ыйлыкъсынмайма; нек десегиз ол бек алгъа иудейлилени, андан сора уа башха миллетлилени, хар ийнаннганны къутхарыргъа Аллахны кючюдю.

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 8:1

Алай бла Масих Иссада болгъанлагъа, адам табийгъатларына кёре тюйюл, алай а Сыйлы Нюрге кёре жашагъанлагъа энди бир тюрлю терслениу жокъду,

Римлилеге 9:24

Биз да Аллах жангыз иудейлиледен тюйюл, алай а башха миллетледен да чакъыргъан ол адамлабыз,

I Коринфлилеге 7:14

Нек десегиз ийманлы болмагъан эр ийманлы къатыны бла сыйлы этиледи, ийманлы болмагъан къатын да ийманлы эри бла сыйлы этиледи. Алайсыз сизни сабийлеригиз таза болмаз эдиле, энди уа сыйлыдыла.

I Коринфлилеге 7:19

Сюннетлилик да, сюннетсизлик да бошду, алай а бары да Аллахны фарызларын тутуудады.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Галатиялылагъа 3:26

Нек десегиз Масих Иссагъа ийнаныуугъуз бла сиз барыгъыз да Аллахны уланларысыз.

Галатиялылагъа 4:14

Алай а сиз, мени сынаргъа мени чархымда болгъан къарыусузлугъум ючюн мени сансыз этмегенсиз эм менден жийиргенмегенсиз. Алай а мени, Аллахны мёлегин къабыл этгенча, Масих Иссаны къабыл этгенча къабыл этген эдигиз.

Галатиялылагъа 5:24

Масихникиле уа, кеслерини гюняхлы табийгъатларын кюсеулери бла эм итиниулери бла бирге къачха кергендиле.

Галатиялылагъа 5:6

Нек десегиз Масих Иссада не сюннетлиликни, не сюннетсизликни кючю жокъду, алай а кюч сюймеклик бла жюрюген иймандады.

Эфеслилеге 1:1

Аллахны буйругъу бла Масих Иссаны абустолу болгъан мен Пауулдан Масих Иссагъа ийман салгъан, Эфесдеги сыйлылагъа салам!

Эфеслилеге 4:4

Сиз чакъырылгъаныгъызда бир умутха чакъырылгъаныгъыз кибик, Нюр бирди, чарх да бирди,

Колослулагъа 1:4

Нек десегиз сизни Масих Иссагъа ийнаннганыгъызны эм битеу сыйлыланы сюйгенигизни эшитгенбиз.

Колослулагъа 3:11

Жангы адамлыкъда уа не грекли, не иудейли, не сюннетли, не сюннетсиз, варвар, скиф, къул, азат айырыу жокъду, алай а хар не жаны бла да хар неда Масихди.

I Тимотейге 1:12

Манга кюч берген Раббийибиз Масих Иссагъа шукур этеме; нек десегиз Ол мени, ышаннгылыгъа санап, къуллукъ этерге салгъанды.

II Тимотейге 1:1

Масих Иссада болгъан, ант бла берилген жашаугъа кёре, Аллахны буйругъу бла Масих Иссаны абустолу мен Пауулдан