Галатиялылагъа 3:22 - Сыйлы Инжил бла Забур

²² Алай а, Аллахны ант сёз бла берирге айтханы ийнаннганлагъа, Масих Иссагъа ийнаныулары бла берилир ючюн, Сыйлы Китап бары да гюняхны жесиридиле деп билдиргенди.

Галатиялылагъа 3:22 Iomraidhean Croise

Забур 143:2

Мархамат этиучюм эм жакълаучум, мени ышыгъым эм къутхарыучум, мени къоруулаучум Олду. Мен Анга ышанама, Ол мени халкъымы манга бойсундурады.

Марк 16:16

Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Ахия 12:46

Манга ийнаннган бир адам да къарангылыкъда къалмаз ючюн, Мен дуниягъа келген жарыкъма.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ишлери 16:31

Ала уа анга: «Раббий Масих Иссагъа ийнан, кесинг да къутхарылырса эм битеу юйюрюнг да къутхарылыр», – дедиле.

Римлилеге 10:9

Иссаны Раббий болгъанын ачыкъ айтып, ауузунг бла шагъатлыкъ этсенг, жюрегинг бла да, Аллах Аны ёлгенледен тиргизгенине ийнансанг, къутхарыллыкъса.

Римлилеге 11:32

Нек десегиз Аллах, барысына да мархамат этер ючюн, барысын да бойсунмаугъа жесир этгенди.

Римлилеге 3:22

Аллах адамланы Масих Иссагъа ийнаныулары бла ариулайды. Муну ийнаннганланы барына да эм барында да этеди. Нек десегиз адам айырыу жокъду.

Римлилеге 3:23

Барысы да, гюнях этип, Аллахны махтауундан къуру къалгъандыла.

Римлилеге 5:12

Ол себепден, бир адамны юсю бла гюнях дуниягъа кирип, гюняхны юсю бла уа ёлюм келгени кибик, ёлюм да алай битеу адамлагъа кёчгенди. Нек десегиз бары да гюнях этгендиле.

Галатиялылагъа 3:14

Масих бизни ючюн налатлы болуп, Законну налатындан бизни жулгъанды. Нек десегиз Китапда: «Терекге асылгъан хар адам налатды», – деп жазылгъанды.

Галатиялылагъа 3:17

Мен муну айтама, Масихни юсюнден Аллах алгъын бегим этген кесаматны, тёрт жюз бла отуз жылдан сора келген Тауратны Закону бузмайды, ол себепден ант бла берилген сёзню кючю кетмейди.

Галатиялылагъа 3:23

Ийман келгинчи уа, биз, Законну тутмагъына салынып, боллукъ ийманны ачылыр заманына дери Законну жесири болуп тургъанбыз.

Галатиялылагъа 3:29

Сиз Масихни эсегиз а, сора сиз Ибрахимни урлугъусуз эм Аллахны ант сёз бла берирге айтханындан юлюшлю боллукъ туудукъласыз.

II Тимотейге 1:1

Масих Иссада болгъан, ант бла берилген жашаугъа кёре, Аллахны буйругъу бла Масих Иссаны абустолу мен Пауулдан

Чюйютлелеге 9:15

Эм ол себепден, чакъырылгъанла ант сёз бла берилген ёмюрлюк юлюшню алыр ючюн, Масих жангы кесаматны Келечиси болгъанды. Аланы биринчи кесаматны заманында этген гюняхларындан къутхарыр ючюн, Ол жулуучу болуп ёлгенди.

II Петер 1:4

Аланы хайырындан а, бизге бек уллу эм багъалы ант сёзле берилгендиле; алай бла сиз, бу дунияны бийлеп тургъан тыйгъычсызлыкъ бла бет жоюудан кери болуп, ол ант сёзлени юсю бла Аллахны табийгъатына къошулурсуз.

II Петер 3:13

Алай болгъанлыкъгъа биз, Аллахны сёз бериуюне кёре, алада тюзлюк болуп турлукъ, жангы кёкню бла жангы жерни сакълайбыз.

I Ахия 2:25

Масихни ант сёз бла бизге берирге айтханы уа ёмюрлюк жашауду.